മുംബൈ: മകനെ ആദരിക്കുന്ന ചടങ്ങിൽ വിശിഷ്ടാതിഥിയായെത്തി നടൻ സൂര്യ. കരാട്ടെയിൽ ബ്ലാക് ബെൽറ്റ് നേടിയ മകൻ ദേവിനെ ആദരിക്കുന്ന ചടങ്ങിലാണ് സൂര്യ എത്തിയത്. സൂര്യ ചടങ്ങിൽ എത്തുന്നതിന്റെയും മകനെ ആദരിക്കുന്നതിന്റെയും ദൃശ്യങ്ങൾ സമൂഹമാദ്ധ്യമങ്ങളിൽ പ്രചരിക്കുന്നുണ്ട്.
വീഡിയോയിൽ സൂര്യ മകന്റെ പ്രകടനങ്ങൾ കാണുന്നതും ഫോണിൽ ദൃശ്യങ്ങൾ ചിത്രീകരിക്കുന്നതും കാണാം. മകനൊപ്പം സൂര്യ വേദിയിൽ നിൽക്കുന്നതും വീഡിയോയിൽ കാണാവുന്നതാണ്. മുംബൈയിലെ അസെൻഡ് ഇന്റർനാഷ്നൽ സ്കൂളിലാണ് സൂര്യയുടെയും ജ്യോതികയുടെയും മക്കളായ ദിയയും ദേവും പഠിക്കുന്നത്.
സ്കൂളിലെ ഹൗസ് ക്യാപ്റ്റനാണ് മകൾ ദിയ. പതിനൊന്നാം ക്ലാസിലാണ് മകൾ ദിയ പഠിക്കുന്നത്. മകൻ പത്താം ക്ലാസിലുമാണ്. കഴിഞ്ഞ വര്ഷം മുതല് ജ്യോതിക മക്കള്ക്കൊപ്പം മുംബൈയിലാണ് താമസം.