നിങ്ങൾ ചെയ്തതിന്റെ പകുതിയെങ്കിലും ചെയ്യാൻ കഴിഞ്ഞിരുന്നെങ്കിലെന്ന് ആ​ഗ്രഹിച്ചുപോകുകയാണ്; മോഹൻലാലിനെ പ്രശംസിച്ച് ഷാരൂഖ്

ഷാരൂഖാന്റെ ജവാൻ സിനിമയിലെ പാട്ടിന് മോഹൻലാൽ ചുവടുവെച്ച വീഡിയോ സമൂഹമാദ്ധ്യമങ്ങളിൽ വൈറലായിരുന്നു. ‘സിന്ദാ ബന്ദ’എന്ന ​ഗാനത്തിനൊപ്പമുള്ള മോഹൻലാലിന്റെ തകർപ്പൻ പ്രകടനത്തിന് അഭിനന്ദനം അറിയിച്ചിരിക്കുകയാണ് ഷാരൂഖ് ഖാൻ. മോഹൻലാൽ നൃത്തം ചെയ്യുന്നതിന്റെ വീഡിയോയും പങ്കുവച്ചുകൊണ്ടാണ് എക്സിൽ അഭിനന്ദനം അറിയിച്ചത്.

‘ഈ ​ഗാനം എനിക്ക് ഏറ്റവും പ്രിയപ്പെട്ടത് ആക്കിയതിന് വളരെ അധികം നന്ദി സാർ. താങ്കൾ ചെയ്തതിന്റെ കുതിയെങ്കിലും ചെയ്യാൻ കഴിഞ്ഞിരുന്നെങ്കിൽ എന്ന് ആ​ഗ്രഹിച്ചുപോകുകയാണിപ്പോൾ. വീട്ടിൽ ഒന്നിച്ചൊരു അത്താഴത്തിനായി കാത്തിരിക്കുന്നു. ലവ് യു സാർ.’- എന്നായിരുന്നു ഷാരൂഖ് എക്സിൽ കുറിച്ചത്.

അറ്റ്ലിയുടെ സംവിധാനത്തിൽ 2023-ൽ പുറത്തിറങ്ങിയ ചിത്രമാണ് ജവാൻ. ചിത്രത്തിൽ ഏറ്റവും അധികം പ്രേക്ഷക പ്രശംസ ലഭിച്ച ​ഗാനമാണ് ‘സിന്ദാ ബാന്ദ’. ഷാരൂഖ് ഖാൻ, പ്രിയാ മണി എന്നിവർ ചേർന്ന് അവതരിപ്പിച്ച ​ഗാനത്തിന് ഈണം പകർന്നത് അനിരുദ്ധ് രവിചന്ദർ ആണ്. ഇർഷാദ് കാമിലാണ് വരികൾ രചിച്ചത്.

മഹൻലാൽ കൊച്ചിയിൽ നടന്ന ഒരു പുരസ്കാര നിശയിലാണ് തട്ടുപൊളപ്പൻ നൃത്തം കാഴ്ചവച്ചത്. വീഡിയോ വൈറലായതോടെ ലാലേട്ടൻ ഫാൻസിന്റെ സോഷ്യൽ മീഡിയ അക്കൗണ്ടുകളിലുൾപ്പെടെ ഡാൻസ് തരം​ഗമാവുകയാണ്.

Thank u @Mohanlal sir for making this song the most special for me now. Wish I had done it half as good as you. Love u sir and waiting for dinner at home as and when. You are the OG Zinda Banda!!! https://t.co/0NezClMavx

— Shah Rukh Khan (@iamsrk) April 23, 2024