ക്രിക്കറ്റ് ആരാധകരെ വഞ്ചിക്കാൻ പറ്റിപ്പിന്റെ പുതിയ പതിപ്പുമായി തട്ടിപ്പുക്കാർ. മുൻ ഇന്ത്യൻ നായകൻ ധോണിയുടെ പേരിലാണ് പുതിയ തട്ടിപ്പ്.ഇൻസ്റ്റഗ്രാം യൂസർക്കാണ് ധോണിയുടെ വ്യാജ അക്കൗണ്ടിൽ നിന്ന് സന്ദേശം ലഭിച്ചത്. “mahi77i2” (Dhoni’s official handle is “mahi7781”),എന്ന അക്കൗണ്ടിൽ നിന്നാണ് സന്ദേശം വന്നത്.
ഹായ് ഞാൻ എം.എസ് ധോണിയാണ്.എന്റെ സ്വകാര്യ അക്കൗണ്ടിൽ നിന്നാണ് മെസേജ് അയക്കുന്നത്. റാഞ്ചിയുടെ അതിർത്തി പ്രദേശത്ത് കുടുങ്ങിപ്പോയി പഴ്സ് എടുക്കാനും മറന്നു. എനിക്ക് ഒരു 600 രൂപ ഫോൺപേ ചെയ്യുമോ…എന്നാലെ എനിക്ക് ബസ് പിടിച്ച് വീട്ടിലെത്താൻ സാധിക്കൂ. വീടെത്തിയതിന് ശേഷം പണം മടക്കി നൽകാം–എന്നാണ് സന്ദേശം. ഇതിനൊപ്പം തെളിവിനായി ധോണിയുടെ സെൽഫി ചിത്രവും നൽകിയിട്ടുണ്ട്. അടിക്കുറിപ്പിൽ വിസിൽപോട് എന്നും പറഞ്ഞിട്ടുണ്ട്.
ഇതിന്റെ സ്ക്രീൻ ഷോട്ടുകൾ എക്സിൽ പങ്കുവച്ചതോടെ വളരെ പെട്ടെന്ന് വൈറലായി. 2 ലക്ഷത്തിലേറെ പേർ ഇത് ലൈക്ക് ചെയ്തിട്ടുണ്ട്. ഓൺലൈൻ തട്ടിപ്പിൽ ഇത് സർവ സാധാരണമാണെന്നും സെലിബ്രറ്റികളുടെ പ്രൊഫൈലുകൾക്ക് സമാനമായി വ്യാജ അക്കൗണ്ടുകൾ നിർമ്മിച്ചാണ് ഇവർ തട്ടിപ്പ് നടത്തുന്നതെന്നും ജാഗ്രത പാലിക്കണമെന്നും പൊലീസ് അറിയിച്ചു.
— Out Of Context Cricket (@GemsOfCricket) April 25, 2024
