തിരുനെൽവേലി : കോൺഗ്രസ് തിരുനെൽവേലി ഈസ്റ്റ് ജില്ലാ പ്രസിഡൻ്റ് കെപികെ ജയകുമാർ ധനസിങ്ങിന്റെ (60) കത്തിക്കരിഞ്ഞ മൃതദേഹം ശനിയാഴ്ച കണ്ടെത്തിയ സംഭവവുമായി ബന്ധപ്പെട്ട് പോലീസിനും സർക്കാരിനുമെതിരെ പ്രതിഷേധവുമായി വിവിധ നേതാക്കൾ രംഗത്തു വന്നു. .
ജയകുമാർ നൽകിയ വധഭീഷണി പരാതിയിൽ പൊലീസ് കൃത്യമായ നടപടി സ്വീകരിച്ചില്ലെന്ന് ബിജെപി സംസ്ഥാന അധ്യക്ഷൻ കെ.അണ്ണാമലൈ പറഞ്ഞു. തന്റെ ജീവന് ഭീഷണിയുണ്ടെന്ന് കാണിച്ച് ജയകുമാർ ഏപ്രിൽ 30ന് തിരുനെൽവേലി പോലീസ് സൂപ്രണ്ടിന് പരാതി നൽകിയിരുന്നതായി അറിയുന്നു. ഡിഎംകെ ഭരണത്തിൽ കോൺഗ്രസിന്റെ ഒരു ജില്ലാ പ്രസിഡൻ്റിന്റെ അവസ്ഥ ഇതാണെങ്കിൽ, പൊതുജനങ്ങൾ നേരിടുന്ന ക്രമസമാധാന പ്രശ്നങ്ങൾ നേരിടുന്ന കാര്യം സംശയാസ്പദമാണ്, ”അദ്ദേഹം എക്സിൽ പോസ്റ്റ് ചെയ്തു.
കൊലപാതകത്തിന് കാരണം പോലീസിന്റെ അനാസ്ഥയാണെന്നും, ജയകുമാറിന്റെ മരണത്തിൽ സിബിഐ അന്വേഷണം വേണമെന്നും പിഎംകെ അധ്യക്ഷൻ അൻബുമണി രാമദോസ് അവശ്യേപ്പെട്ടു.
തിരുനെൽവേലി ജില്ലാ കോൺഗ്രസ് പ്രസിഡന്റിന്റെ കത്തിക്കരിഞ്ഞ മൃതദേഹം കണ്ടെത്തി;കൈകാലുകൾ വൈദ്യുതി കേബിൾ കൊണ്ട് ബന്ധിച്ച നിലയിൽ; അടിമുടി ദുരൂഹത……
ധനസിംഗിന്റെ മരണത്തിന് ഉത്തരവാദികളായവരെ ഉടൻ പിടികൂടണമെന്ന് ടിഎംസി(എം) പ്രസിഡൻ്റ് ജികെ വാസൻ, എഎംഎംകെ ജനറൽ സെക്രട്ടറി ടിടിവി ദിനകരൻ തുടങ്ങിയവർ സംസ്ഥാന സർക്കാരിനോട് ആവശ്യപ്പെട്ടു. സംഭവം ഞെട്ടിപ്പിക്കുന്നതാണ് എന്ന്
തിരുനെൽവേലി മുൻ എംപി രാമസുബ്ബു പറഞ്ഞു.
കെപികെ ജയകുമാർ ധനസിങ്ങിന്റെ മരണത്തിൽ കലാശിച്ച പൊലീസ് നിഷ്ക്രിയത്വത്തെ അപലപിച്ച് എഐഎഡിഎംകെ ജനറൽ സെക്രട്ടറി എടപ്പാടി കെ പളനിസ്വാമിയും രംഗത്തെത്തി. ധനസിംഗിന്റെ മരണത്തിനു കരണക്കാരായവരെ അറസ്റ്റ് ചെയ്യാൻ മുഖ്യമന്ത്രി അടിയന്തര നടപടി സ്വീകരിക്കണമെന്ന് പളനിസ്വാമി പ്രസ്താവനയിൽ ആവശ്യപ്പെട്ടു.
അതേസമയം, ജയകുമാറിന്റെ പരാതി മെയ് 3 വെള്ളിയാഴ്ച രാത്രി മാത്രമാണ് ലഭിച്ചതെന്ന് തിരുനെൽവേലി എസ്പി സിലംബരശൻ പറഞ്ഞു.
ഏപ്രിൽ 30 എന്ന തീയതിയാണ് കത്തിൽ പരാമർശിച്ചതെങ്കിലും പരാതി മെയ് മൂന്നിന് മാത്രമാണ് പോലീസ് സ്റ്റേഷനിൽ നൽകിയെന്ന് എസ്പി അവകാശപ്പെട്ടു.
തമിഴ്നാട് കോൺഗ്രസ് കമ്മിറ്റി (ടിഎൻസിസി) തലവൻ കെ സെൽവപെരുന്തഗൈ തന്റെ പാർട്ടി സഹപ്രവർത്തകന്റെ മരണത്തിൽ അനുശോചനം രേഖപ്പെടുത്തുകയും പാർട്ടിക്ക് അദ്ദേഹം നൽകിയ സംഭാവനകൾ അനുസ്മരിക്കുകയും ചെയ്തു.
ശനിയാഴ്ചയാണ് വീടിനോട് ചേർന്നുള്ള 10 ഏക്കർ കൃഷിയിടത്തിൽ നിന്ന് കോൺഗ്രസ് നേതാവിന്റെ പൂർണമായി കത്തിക്കരിഞ്ഞ മൃതദേഹം കണ്ടെത്തിയത്.
