മരണത്തോട് മല്ലിട്ട് രോഗിയായ യുവതി; ദുർഘടപാതയിലൂടെ വെല്ലുവിളി അതിജീവിച്ച് ആശുപത്രിയിലെത്തിച്ച് ഇന്ത്യൻ സൈന്യം

ശ്രീനഗർ: മരണത്തോട് മല്ലിട്ട കശ്മീരിലെ രോഗിയായ യുവതിക്ക് രക്ഷകരായി ഇന്ത്യൻ സൈന്യം. ജമ്മു കശ്മീരിലെ കുപ് വാര ജില്ലയിൽ നിയന്ത്രണ രേഖയ്‌ക്ക് സമീപമേഖലയിലായിരുന്നു സംഭവം.

കുപ് വാരയിലെ ഉൾപ്രദേശത്ത് നിന്നാണ് യുവതിയെ സ്ട്രക്ചറിൽ എടുത്ത് സൈനിക സംഘം ആശുപത്രിയിലെത്തിച്ചത്. ദുർഘടമായ പാതകൾ താണ്ടി വേണമായിരുന്നു ആശുപത്രിയിലേക്ക് രോഗിയെ മാറ്റാൻ.

#ChinarWarriors to the rescue.#ChinarWarriors responded to a distress call to evacuate a seriously ill patient from a remote village, near LoC #Kupwara. Immediate medical assistance was extended & the patient was evacuated to nearest hospital. #WeCare #Kashmir@adgpi… pic.twitter.com/DtpSrvUaum

— Chinar Corps🍁 – Indian Army (@ChinarcorpsIA) May 5, 2024

ചിനാർ കോർപ്പ് ആണ് ദൗത്യം ഏറ്റെടുത്തത്. അഞ്ചംഗ സൈനിക സംഘമാണ് യുവതിക്ക് രക്ഷകരായി എത്തിയത്. പ്രാഥമിക ചികിത്സ നൽകിയ ശേഷമായിരുന്നു യുവതിയെ ആശുപത്രിയിലേക്ക് മാറ്റിയത്.

മലയോര മേഖലയിലെ ദുർഘടമായ പാതയിലൂടെ യുവതിയെയും സ്ട്രക്ചറിലെടുത്ത് സൈന്യം സഞ്ചരിക്കുന്ന ചിത്രങ്ങൾ സഹിതം ചിനാർ കോർപ്പ് ആണ് ഔദ്യോഗിക എക്‌സ് അക്കൗണ്ടിൽ ഇക്കാര്യം പോസ്റ്റ് ചെയ്തത്. അടുത്തിടെ ജമ്മു കശ്മീരിലെ ബാരമുള്ളയിൽ മഞ്ഞുവീഴ്ചയിൽ ദുരിതം അനുഭവിക്കുന്ന വയോധികയെയും അടിയന്തരമായി ഒഴിപ്പിച്ചിരുന്നു.