തിരുവനന്തപുരം: മലയാളത്തിലെ എണ്ണംപറഞ്ഞ സംവിധായകരിലൊരാളും തിരക്കഥാകൃത്തുമായ ഹരികുമാർ അന്തരിച്ചു. അർബുദ ബാധിതനായി ചികിത്സയിലിരിക്കെ 70-ാം വയസിലായിരുന്നു അന്ത്യം. ഇന്ന് വൈകിട്ട് 5.30നാണ് വിയോഗ വാർത്ത പുറത്തുവന്നത്. 1994ൽ പുറത്തിറങ്ങിയ സുകൃതം, ഉദ്യോനപാലകൻ, സ്വയംവരപ്പന്തൽ, എഴുന്നള്ളത്ത്, തുടങ്ങിയ ഹിറ്റ് ചിത്രങ്ങളുടെ സംവിധായകനാണ് അദ്ദേഹം.
തിരക്കഥാകൃത്തായും, സംവിധായകനായും മൂന്ന് പതിറ്റാണ്ടോളം സിനിമയുടെ വിവിധ മേഖലകളിൽ നിറഞ്ഞു നിന്നിരുന്ന വ്യക്തിയായിരുന്നു ഹരികുമാർ. 16 സിനിമകൾ സംവിധാനം ചെയ്യുകയും 5 ചിത്രങ്ങൾക്ക് തിരക്കഥയും അദ്ദേഹം ഒരിക്കിട്ടുണ്ട്.
സുകൃതം എന്ന സിനിമയിലൂടെയാണ് അദ്ദേഹം മലയാളികൾക്കിടയിൽ ശ്രദ്ധേയനായത്. 1981ൽ പുറത്തിറങ്ങിയ ആമ്പൽ പൂവാണ് ആദ്യ ചിത്രം. 2022ൽ പുറത്തിങ്ങിയ ‘ഒരു ഓട്ടോറിക്ഷക്കാരന്റെ ഭാര്യ’ എന്ന ചിത്രമാണ് അവസാനമായി പുറത്തിറങ്ങിയ ചിത്രം.
2005, 2008 വർഷങ്ങളിൽ ദേശീയ ചലച്ചിത്ര ജൂറിയിൽ അംഗമായിരുന്നു. സിനിമയുടെ എല്ലാ മേഖലകളിലും പ്രവർത്തിച്ച വ്യക്തിയായിരുന്നു ഹരികുമാർ. സംവിധായകനും നടനുമായ ബാലഗോപാൽ അടക്കമുള്ള സിനിമാ രംഗത്തെ പ്രമുഖർ മരണത്തിൽ അനുശോചനം അറിയിച്ചു.
