നിവേദ്യം എന്ന ആദ്യ ചിത്രത്തിലൂടെ തന്നെ മലയാളികളുടെ മനസ്സിൽ ഇടം നേടിയ നടിയാണ് ഭാമ. സിനിമയില്‍ നിന്നും മാറി നിന്നതിന് ശേഷമാണ് ഭാമ വിവാഹിതയായത്. അടുത്തകാലത്തായി ഭാമയും ഭര്‍ത്താവും വേര്‍പിരിഞ്ഞെന്ന രീതിയിൽ നിരവധി വാര്‍ത്തകള്‍ പ്രചരിച്ചിരുന്നു. അത് സത്യമാണെന്ന് തുറന്നു പറയുകയാണ് ഇപ്പോൾ ഭാമ. ഇന്‍സ്റ്റഗ്രാം പോസ്റ്റിലൂടെയാണ് താന്‍ സിംഗിള്‍ മദറാണെന്ന് ഭാമ വ്യക്തമാക്കിയത്.
‘ഒരു സിംഗിള്‍ മദറാകുന്നത് വരെ ഞാന്‍ ഇത്രത്തോളം ശക്തയാണെന്ന് എനിക്ക് തന്നെ അറിയില്ലായിരുന്നു. കൂടുതല്‍ ശക്തയാകുക എന്നത് മാത്രമായിരുന്നു എനിക്ക് മുന്നിലുണ്ടായിരുന്ന ഏക പോംവഴി’, ഭാമ സമൂഹ മാദ്ധ്യമത്തിൽ കുറിച്ചു.
View this post on Instagram
അടുത്ത കാലത്തായി ഭർത്താവിനൊപ്പമുള്ള ചിത്രങ്ങൾ ഭാമ പങ്കുവെച്ചിരുന്നില്ല. കൂടാതെ ഭാമ അരുൺ എന്ന പേരിനും മാറ്റം വരുത്തിയിരുന്നു. ഇതോടെയാണ് വിവാഹ മോചന വാർത്തകൾ പ്രചരിച്ചത്.
2020ലാണ് ഭാമയും അരുണും തമ്മില്‍ വിവാഹിതരാവുന്നത്. ദുബായിൽ ബിസിനസുകാരനും ചെന്നിത്തല സ്വദേശിയുമാണ് അരുൺ . ഭാമയുടെ സഹോദരിയുടെ ഭർത്താവും അരുണും തമ്മിലുള്ള സൗഹൃദമായിരുന്നു പിന്നീട് ഇവരുടെ വിവാഹം വരെ എത്തിയത്.
