കാശിവിശ്വനാഥ ക്ഷേത്രം സന്ദർശിച്ച് കൊൽക്കത്ത താരങ്ങൾ; ​പുണ്യ ​ഗം​ഗയിലൂടെ ആത്മീയ യാത്രയും

ന്യൂഡൽഹി: കാശിവിശ്വനാഥ ക്ഷേത്രം സന്ദർശിച്ച് കൊൽക്കത്ത നൈറ്റ് റൈഡേഴ്സ് താരങ്ങളും സപ്പോർട്ടിം​ഗ് സ്റ്റാഫും. ഒരു ദിവസം വാരണാസിയിൽ തങ്ങുകയും ചെയ്തു. ലക്നൗ സൂപ്പർ ജയൻ്റ്സെതിരെയുള്ള വിജയത്തിന് പിന്നാലെ കൊൽക്കത്തയ്‌ക്ക് പറക്കുന്നതിനിടെ അപ്രതീക്ഷിതമായാണ് ഇവർ വാരണാസിയിൽ ഇറങ്ങിയത്.

മോശം കാലാവസ്ഥയെ തുടർന്നായിരുന്നു ഇത്. പിന്നീട് ഈ വ്യതിചലനം ആത്മീയ യാത്രയിലേക്ക് വഴിമാറുകയായിരുന്നു. കെ.കെ.ആർ താരം വരുൺ ചക്രവർത്തിയാണ് ഇൻസ്റ്റ​ഗ്രാമിൽ ചിത്രങ്ങൾ പങ്കിട്ടത്. എല്ലാദിവസവും ആസ്വദിക്കുക, അതൊരു അനു​ഗ്രഹമാണ്. അത്ഭുതം സംഭവിക്കും എന്നാണ് അദ്ദേഹം സോഷ്യൽ മീഡിയയിൽ കുറിച്ചത്. താരങ്ങൾ ​ഗം​ഗാ നദിയിലൂടെ യാത്രയും ആസ്വദിച്ചു.

ലക്നൗവിനെതിരെ 98 റൺസ് വിജയം സ്വന്തമാക്കിയ കൊൽക്കത്ത ഐപിഎൽ പട്ടികയിൽ ഒന്നാം സ്ഥാനത്താണ്. ചാർട്ടേർഡ് വിമാനമാണ് ​ഗുവഹത്തിയിലേക്ക് വഴി തിരിച്ചുവിട്ട ശേഷം വാരണാസിയിൽ ഇറക്കിയത്. ഈഡൻ ​ഗാർഡൻസിൽ മേയ് 11ന് മുംബൈക്കെതിരെയാണ് കൊൽക്കത്തയുടെ അടുത്ത മത്സരം.

KKR players paid a visit to the Shri Kashi Vishwanath temple in Varanasi🙏❤️

📸: Vaibhav Arora/KS Bharat#IPL2024 #KKR #IPL2024 #CricketTwitter pic.twitter.com/2lwtROm64g

— Sportskeeda (@Sportskeeda) May 7, 2024

“>