അമരാവതി: ലോക്സഭാ തെരഞ്ഞെടുപ്പിൽ മത്സരിക്കുന്ന ജനസേനാ പാർട്ടി നേതാവ് പവൻ കല്യാണിന് പിന്തുണ അറിയിച്ച് നടൻമാരായ ചിരഞ്ജീവിയും നാനിയും. സോഷ്യൽ മീഡിയയിലൂടെയാണ് പവൻ കല്യാണിന് പിന്തുണയുമായി താരങ്ങൾ എത്തിയത്.
പവൻ കല്യാണിന് പിന്തുണ അറിയിച്ച് ചിരഞ്ജീവി സോഷ്യൽ മീഡിയയിൽ വീഡിയോ പങ്കുവച്ചു. കയ്യിൽ നിന്ന് പണമെടുത്താണ് എന്റെ ഇളയ സഹോദരൻ പവൻ കല്യാൺ ജനങ്ങളെ സഹായിക്കുന്നത്. സംസ്ഥാനത്ത് വലിയൊരു മാറ്റം വരേണ്ടതുണ്ട്. എല്ലാവരും പവൻ കല്യാണിന് വോട്ട് ചെയ്യണം പ്രിയപ്പെട്ട ആരാധകരോട് ഞാൻ അഭ്യർത്ഥിക്കുകയാണ്. ‘എന്നായിരുന്നു ചിരഞ്ജീവിയുടെ വാക്കുകൾ.
പവൻ കല്യാണിന് ആശംസകൾ അറിയിച്ച് നടൻ നാനി സമൂഹമാദ്ധ്യമായ എക്സിൽ ഒരു കുറിപ്പ് പങ്കുവച്ചു. ‘പ്രിയപ്പെട്ട പവൻ കല്യാൺ നിങ്ങൾ വലിയൊരു രാഷ്ട്രീയ യുദ്ധത്തിന് തയ്യാറെടുക്കുകയാണ്. നിങ്ങളടങ്ങുന്ന സിനിമാ കുടുംബത്തിലെ അംഗമെന്ന നിലയിൽ താങ്കൾ ആഗ്രഹിക്കുന്നതെല്ലാം നേടിയെടുക്കട്ടെ എന്ന് ഞാൻ പ്രാർത്ഥിക്കുന്നു. നിങ്ങൾ നൽകിയ എല്ലാ വാഗ്ദാനങ്ങളും പാലിക്കുമെന്നും എനിക്ക് ഉറപ്പാണ്. എല്ലാ വിജയാശംസകളും നേരുന്നു.’ എന്നായിരുന്നു നാനി സമൂഹമാദ്ധ്യമങ്ങളിൽ പങ്കുവച്ച കുറിപ്പ്.