പ്രേക്ഷകർ കാത്തിരിക്കുന്ന കോമഡി എന്റർടൈൻമെന്റ് ചിത്രമാണ് ‘സുരേശന്റെയും സുമലതയുടെയും ഹൃദയഹാരിയായ പ്രണയകഥ’. ന്നാ താൻ കേസ് കൊട് എന്ന ചിത്രത്തിലൂടെ പ്രേക്ഷകരുടെ ഹൃദയം കീഴടക്കിയ പ്രണയജോഡികളെ കേന്ദ്ര കഥാപാത്രങ്ങളാക്കി ഒരുക്കുന്ന ചിത്രമാണിത്. രാജേഷ് മാധവനും ചിത്ര നായരുമാണ് പ്രണയക്കഥയുമായി പ്രേക്ഷകർക്ക് മുന്നിലെത്തുന്നത്.
സിനിമയുടെ പുതിയ ഗാനമാണ് പുറത്തെത്തിയിരിക്കുന്നത്. പ്രേമലോലലോല.. എന്ന് തുടങ്ങുന്ന ഗാനമാണ് പുറത്തുവന്നത്. വൈശാഖ് സുഗുണിന്റെ വരികള്ക്ക് ഡോണ് വിൻസന്റാണ് സംഗീതം സംവിധാനം ചെയ്തിരിക്കുന്നത്. സുഷിൻ ശ്യാമാണ് ഗാനം ആലപിച്ചത്.
രതീഷ് ബാലകൃഷ്ണന് പൊതുവാൾ എഴുതി സംവിധാനം ചെയ്തിരിക്കുന്ന ചിത്രമാണ് ‘സുരേശന്റെയും സുതലതയുടെയും ഹൃദയഹാരിയായ പ്രണയകഥ’. സില്വര് ബ്രൊമൈഡ് പിക്ചേഴ്സ് എന്നിവയുടെ ബാനറില് മാനുവല് ജോസഫ്, അജിത്ത് തലാപ്പിള്ളി എന്നിവരും ചേർന്നാണ് ചിത്രം നിർമിക്കുന്നത്.
രാജേഷ് മാധവൻ നായകനാകുന്ന ആദ്യ ചിത്രം കൂടിയാണിത്. മലയാള സിനിമയിലെ ആദ്യ സ്പിൻ ഓഫ് ചിത്രമെന്ന ഖ്യാതിയുമായാണ് ഈ ചിത്രം വെള്ളിത്തിരയിലെത്തുക. ചിത്രത്തിൽ കുഞ്ചാകോ ബോബൻ അതിഥി വേഷത്തിലെത്തുമെന്നാണ് വിവരം.
