സൂര്യയുടേതായി ആരാധകർ ആവേശത്തോടെ കാത്തിരിക്കുന്ന ചിത്രമാണ് വാടിവാസൽ. വെട്രിമാരനാണ് ചിത്രം സംവിധാനം ചെയ്യുന്നത്. ഒരു വർഷം മുമ്പാണ് ചിത്രത്തിന്റെ ഔദ്യോഗിക പ്രഖ്യാപനം നടന്നത്. തുടർന്ന് സിനിമയുടെ ഒരു പ്രഖ്യാപന വീഡിയോയും പുറത്തുവന്നിരുന്നു. ജല്ലിക്കെട്ടിനെ ആസ്പദമാക്കി ഒരുങ്ങിയ വീഡിയോ ഏറെ ശ്രദ്ധ നേടിയിരുന്നു. എന്നാൽ പല കാരണങ്ങളാൽ ചിത്രം വൈകുകയായിരുന്നു.
ചിത്രത്തെ കുറച്ച് സൂര്യ പിൻമാറിയെന്നതടക്കം വാർത്തകൾ വന്നിരുന്നു. എന്നാൽ അടുത്തിടെ സംവിധായകൻ തന്നെ വാർത്തകൾ നിഷേധിച്ച് രംഗത്തെത്തി. സൂര്യ തന്നെയായിരിക്കും നായകനെന്നും വെട്രിമാരൻ വ്യക്തമാക്കിയിരുന്നു. ചിത്രത്തിൽ സൂര്യ തന്നെയായിരിക്കും നായകനെന്നും വെട്രിമാരൻ അറിയിച്ചിരുന്നു. സിനിമയുടെ ചിത്രീകരണം ഉടൻ ആരംഭിക്കുമെന്ന വാർത്തയാണ് ഇപ്പോൾ പുറത്തുവന്നിരിക്കുന്നത്. വെട്രിമാരൻ തന്നെയാണ് ഇക്കാര്യം അറിയിച്ചത്.
വെട്രിമാരൻ സംവിധാനം ചെയ്യുന്ന വിടുതലൈ 2 ന്റെ ചിത്രീകരണം അവസാനഘട്ടത്തിലാണ്. ചിത്രീകരണം പൂർത്തിയാകാൻ 20 ദിവസം കൂടി ബാക്കിയുണ്ട്. വാടിവാസലിന്റെ ചിത്രീകരണം മൂന്ന് മാസത്തിനുള്ളിൽ തുടങ്ങുമെന്നാണ് വെട്രിമാരൻ അറിയിച്ചിരിക്കുന്നത്. ഇതിൽ മാറ്റമില്ലെന്നും സൂര്യ അറിയിച്ചു.
ഒരുപിടി ചിത്രങ്ങളാണ് സൂര്യയുടെതായി അണിയറയിൽ ഒരുങ്ങുന്നത്. സുരുത്തെ ശിവ സംവിധാനം ചെയ്യുന്ന കങ്കുവയാണ് സൂര്യയുടെ റിലീസിന് തയ്യാറെടുക്കുന്ന ചിത്രം. കാർത്തിക് സുബ്ബരാജിനൊപ്പമുള്ള ചിത്രത്തിന്റെ പ്രഖ്യാപനം അടുത്തിടെയാണ് നടന്നത്. സുധ കൊങ്ങാര സംവിധാനം ചെയ്യുന്ന പുറനാന്നൂറ് എന്ന സിനിമയും അണിയറയിൽ ഒരുങ്ങുകയാണ്.
