മുംബൈ: പ്രധാനമന്ത്രി നരേന്ദ്ര മോദി ഇന്ന് വൈകുന്നേരം ഘാട്കോപ്പറിൽ റോഡ്ഷോ നടത്തും. രാത്രി 8 മണി മുതൽ എൽബിഎസ് മാർഗിലെ ശ്രേയസ് സിനിമ മുതൽ ഗാന്ധി മാർക്കറ്റ് വരെയുള്ള രണ്ടര കിലോമീറ്ററോളം ദൂരത്തിലാണ് റോഡ്ഷോ നടക്കുക.
മുംബൈ നോർത്ത് ഈസ്റ്റ് മണ്ഡലത്തിൽ ബിജെപിയുടെ മിഹിർ കൊടേച്ചയാണ് മത്സരിക്കുന്നത്. റോഡ്ഷോയ്ക്കായി ഘാട്കോപ്പറിലേക്ക് വരുന്നതിന് മുമ്പ് പ്രധാനമന്ത്രി കല്യാണിലും റാലിയെ അഭിസംബോധന ചെയ്യും. പ്രധാനമന്ത്രിയുടെ റോഡ്ഷോ, ബിജെപി നേതൃത്വം കൊടുക്കുന്ന മഹായുതി സഖ്യത്തെ സഹായിക്കുമെന്ന് നേതാക്കൾ പറഞ്ഞു.
