നരേന്ദ്ര മോദി ആയി സത്യരാജ്; പ്രധാനമന്ത്രിയുടെ ജീവിതം പ്രമേയമാക്കി സിനിമ വരുന്നു….

പ്രധാനമന്ത്രി നരേന്ദ്രമോദിയുടെ ജീവിതം പ്രമേയമാക്കി സിനിമ ഒരുങ്ങുന്നു. ചിത്രത്തിൽ നരേന്ദ്രമോദിയായെത്തുന്നത് നടൻ സത്യരാജാണ്. ഹിന്ദി, തമിഴ്, തെലുങ്ക്, മലയാളം, ഇംഗ്ലീഷ് ഭാഷകളിലായാണ് ചിത്രം റിലീസ് ചെയ്യാൻ സാധ്യത. ചിത്രം നിർമ്മിക്കുന്നത് ബോളിവുഡിലെ പ്രമുഖ നിർമ്മാണകമ്പനിയാണെന്നും സൂചനകളുണ്ട്.

ചിത്രത്തിന്റെ മറ്റ് റിപ്പോർട്ടുകൾ വരും ദിവസങ്ങളിൽ പുറത്തുവരുമെന്നാണ് പ്രതീക്ഷിക്കുന്നത്. നരേന്ദ്രമോദിയുടെ ജീവിതവും രാഷ്‌ട്രിയത്തിലേക്കുള്ള ചുവടുവെപ്പും പ്രധാനമന്ത്രി ആയതിന് ശേഷം രാജ്യത്തിന് വന്ന മാറ്റങ്ങളുമാകും സിനിമയിൽ പ്രതിപാദിക്കുന്നത്. സിഎഎ നടപ്പിലാക്കിയതും രാജ്യത്തിന്റെ വികസനത്തിനായി പ്രധാനമന്ത്രി ഏതൊക്കെ രീതിയിലാണ് ചുക്കാൻ പിടിച്ചതെന്നും സിനിമയിൽ കാണാൻ സാധിക്കുമെന്ന് വിശ്വാസത്തിലാണ് പ്രേക്ഷകർ.

Veteran Actor #Sathyaraj to act as #NarendraModi in Honourable PM #NarendraModi Biopic#NarendraModiBiopic

Further Details to be revealed soon…@Sibi_Sathyaraj #DivyaSathyaraj@onlynikil pic.twitter.com/uHSn3NRYXu

— Ramesh Bala (@rameshlaus) May 18, 2024

നേരത്തെ ‘പിഎം നരേന്ദ്രമോദി’ എന്നൊരു ചിത്രവും പ്രധാനമന്ത്രിയുടെ ജീവിതവുമായി ബന്ധപ്പെട്ട് പുറത്തിറക്കിയിരുന്നു. വിവേക് ഒബ്രോയ് ആയിരുന്നു ചിത്രത്തിൽ നരേന്ദ്രമോദിയായി വേഷമിട്ടത്.