വിവാഹദിനം എല്ലാവർക്കും ഏറെ പ്രിയങ്കരമാണ്. ഒരുപാട് സ്വപ്നങ്ങളുമായി ഏഴു ജന്മം ഒരുമിച്ചു ജീവിക്കുമെന്ന് വധൂവരന്മാർ ഒരുമിച്ച് പ്രതിജ്ഞ എടുക്കുന്ന ദിവസമാണിത്. വിവാഹദിനത്തിൽ യാതൊരു പ്രശ്നവും ഉണ്ടാകരുതെന്നാണ് എല്ലാവരും കരുതുന്നത് . എന്നാൽ വിവാഹദിവസം തന്നെ വധൂവരന്മാർ തമ്മിൽ തല്ല് നടന്നാലോ ? അങ്ങനെയൊരു വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്.
വരൻ മറ്റൊരു യുവതിയ്ക്കൊപ്പം നിന്ന് ചിത്രങ്ങൾ എടുക്കുന്നത് കണ്ട വധു തന്നെയാണ് വരനെ തല്ലിയത് .വിവാഹവേഷത്തിൽ അതിഥികളെ സ്വീകരിക്കാനും , ചിത്രങ്ങൾ എടുക്കാനുമായി ഇരിക്കുന്ന വധൂവരന്മാർക്കരികിലേയ്ക്ക് മറ്റൊരു യുവതി ചിത്രമെടുക്കാൻ എത്തുന്നത് ദൃശ്യങ്ങളിൽ കാണാം .
വധുവിനെ ശ്രദ്ധിക്കാതെ യുവതിയ്ക്കൊപ്പം സെൽഫിയെടുക്കാനുള്ള തിടുക്കത്തിലായിരുന്നു വരൻ . ഇതു കണ്ട് രോഷാകുലയായ വധു സെൽഫിയ്ക്ക് പോസ് ചെയ്യുന്ന യുവാവിന്റെ മുഖത്ത് തല്ലുകയായിരുന്നു. ഒപ്പം വഴക്ക് പറയുന്നതും ദൃശ്യങ്ങളിൽ കാണാം . ആദ്യം ഒന്ന് ഞെട്ടിയെങ്കിലും പിന്നെ ഒന്നും സംഭവിക്കാത്ത മട്ടിൽ ഇരിക്കുകയാണ് വരൻ.