അധികം സിനിമകളിൽ അഭിനയിച്ചില്ലെങ്കിലും മലയാളികളുടെ ഹൃദയത്തിൽ ഇടംപിടിച്ച താരമാണ് ആനി. വർഷങ്ങളായി സിനിമയിൽ നിന്നും വിട്ടുനിൽക്കുകയാണെങ്കിലും ചാനൽ പരിപാടിയിൽ സജീവമാണ് ആനി. അടുത്തിടെ അഭിനേതാക്കളായ അനാർക്കലി മരക്കാറും അഖിലും അതിഥികളായി എത്തിയ ചാനൽ പരിപാടിക്കിടെ താരം പറഞ്ഞ വാക്കുകളാണ് സമൂഹ മാദ്ധ്യമങ്ങൾ ഏറ്റെടുത്തിരിക്കുന്നത്.
പരിപാടിക്കിടെ ആനി മക്കളുടെ കാര്യങ്ങൾ പറയുന്നുണ്ട്, ഇതിനിടയിൽ ചേച്ചി കുലസ്ത്രീയാണെന്ന് കമന്റ് കാണാറുണ്ടെന്ന് അഖിൽ പറയുന്നു. ഇതിന് ആനി പറയുന്ന മറുപടിയാണ് പ്രേക്ഷകർ ഏറ്റെടുത്തിരിക്കുന്നത്. ശരിയാണ് അങ്ങനെ കേൾക്കുന്നുണ്ട്. ഇനിയിപ്പോൾ ഞാൻ അനാർക്കലിയോട് എന്തെങ്കിലും ചോദിച്ചാൽ തന്നെ, ഇതൊക്കെ പറയാനും ചോദിക്കാനും ഇവളാര് കുലസ്ത്രീയോ എന്ന് ആളുകൾ പറയും. അനാർക്കലിയോട് എന്തെങ്കിലും ചോദിക്കണമെന്ന് കരുതിയാൽ തന്നെ ഞാൻ ആദ്യം ആലോചിക്കുന്നത് ദൈവമേ ചോദിക്കണോ എന്നാണ്. എന്തായാലും ഞാൻ ചോദിക്കും,’- എന്ന് ആനി മറുപടി നൽകി.
അപ്പോൾ ചേച്ചി കുലസ്ത്രീ അല്ലല്ലോ എന്ന് അഖിൽ വീണ്ടും ചോദിക്കുന്നു. ‘കുലസ്ത്രീയാണ്, പേരിൽ എനിക്ക് ഒരു വിഷമവുമില്ല. അത് കിട്ടാൻ ഇച്ചിരി പാടുള്ള ഏർപ്പാടാണ്,’- ആനി പറഞ്ഞു.