കോട്ടയം: പ്രശസ്ത മിമിക്രി താരവും സിനിമാ നടനുമായ കോട്ടയം സോമരാജ് അന്തരിച്ചു. ഏതാനും മാസങ്ങളായി രോഗബാധിതനായി ചികിത്സയിലിരിക്കെയായിരുന്നു അന്ത്യം. തിരക്കഥാകൃത്തായ സുനീഷ് വാരനാടാണ് ദുഃഖവാർത്ത പങ്കുവച്ചത്.
വർഷങ്ങളായി മിമിക്രി രംഗത്ത് തന്റേതായ കയ്യൊപ്പ് പതിപ്പിച്ച വ്യക്തിയായിരുന്നു സോമരാജ്. ടെലിവിഷൻ പ്രോഗ്രാമുകൾക്ക് പുറമെ തിരക്കഥാകൃത്തായും അദ്ദേഹം ദീർഘകാലം പ്രവർത്തിച്ചിട്ടുണ്ട്.
കരുമാടി രാജേന്ദ്രൻ സംവിധാനം ചെയ്ത ഇന്ദ്രപുരാണം എന്ന സനിമയ്‌ക്കായി തിരക്കഥയും സംവിധാനവും നിർവഹിച്ചത് സോമരാജാണ്. അണ്ണൻ തമ്പി, കിംഗ് ലയർ, ഫാന്റം, കണ്ണകി, അഞ്ചര കല്യാണം തുടങ്ങി നിരവധി സിനിമകളിലും സോമരാജ് അഭിനയിച്ചിട്ടുണ്ട്.
