കൊൽക്കത്ത: പശ്ചിമ ബംഗാളിൽ തെരഞ്ഞെടുപ്പിനിടെ ബിജെപി സ്ഥാനാർത്ഥിക്ക് നേരെ തൃണമൂൽ ഗുണ്ടകളുടെ ആക്രമണം. മുതിർന്ന ബിജെപി നേതാവും ജാർഗ്രാമിലെ സ്ഥാനാർത്ഥിയുമായ പ്രണത് ടുഡുവിനെതിരെയാണ് ആക്രമണമുണ്ടായത്. വെസ്റ്റ് മിഡ്നാപൂരിലെ ഗാർബെത പ്രദേശത്തുവച്ചാണ് സംഭവം. . ആക്രമണത്തിൽ പ്രണതിന്റെ സുരക്ഷാ ഉദ്യോഗസ്ഥർക്ക് പരിക്കേറ്റു. ഇവരെ ആശുപത്രയിൽ പ്രവേശിപ്പിച്ചു.
ബിജെപി പ്രതിനിധികളെ പോളിങ് ബൂത്തുകളിൽ കടക്കാൻ അനുവദിക്കുന്നില്ലെന്ന പരാതികളെ തുടർന്ന് ഗാർബെതയിലേക്ക് പോകും വഴിക്കാണ് പ്രണത് ടുഡുവിന് നേരെ തൃണമൂൽ ഗുണ്ടകൾ ആക്രമണം അഴിച്ചുവിട്ടത്. ഇവർ റോഡിലേക്ക് കയറി വഴി തടയുകയും ബിജെപി നേതാവ് സഞ്ചരിച്ച കാറിനു നേരെ ഇഷ്ടികകൾ എറിയുകയുമായിരുന്നു. ഇത് തടയാൻ ശ്രമിച്ച സിഐഎസ്എഫ് ഉദ്യോഗസ്ഥരുൾപ്പെടെയുള്ളവർക്ക് പരിക്കേൽക്കുകയായിരുന്നു.