ചിപ്പിയുടെയും രഞ്ജിത്തിന്റെയും 23-ാം വിവാഹവാർഷികം ആഘോഷമാക്കാൻ മലയാളിയുടെ പ്രിയ നടൻ മോഹൻലാലും. എൽ 360 സിനിമയുടെ ലൊക്കേഷനിൽ അണിയറ പ്രവർത്തകർക്കൊപ്പം ആയിരുന്നു ആഘോഷം. ചിപ്പി തന്നെയാണ് ആഘോഷനിമിഷങ്ങളുടെ ചിത്രങ്ങൾ സമൂഹമാദ്ധ്യമങ്ങളിൽ പങ്കുവെച്ചത്. ചിത്രങ്ങൾ പുറത്തുവന്നതോടെ ആരാധകരും ഏറ്റെടുത്തു.
മോഹൻലാൽ, തരുൺ മൂർത്തി, മണിയൻപിള്ള രാജു തുടങ്ങിയവർ ആഘോഷത്തിൽ പങ്കെടുത്തിരുന്നു. ചിപ്പിക്കും രഞ്ജിത്തിനുമായി പ്രത്യേക കേക്കും അണിയറ പ്രവർത്തകർ ഒരുക്കി. ഇരുവരും ചേർന്നാണ് കേക്ക് മുറിച്ചത്
ചിപ്പിയുടെയും രഞ്ജിത്തിന്റെയും നിർമ്മാണ കമ്പനിയായ രജപുത്ര ഫിലിംസാണ് ചിത്രം നിർമ്മിക്കുന്നത്. 2001ലായിരുന്നു ചിപ്പിയുടെയും രഞ്ജിത്തിന്റെയും വിവാഹം. ഇരുവർക്കും അവന്തിക എന്ന മകളുണ്ട്. എൽ360 എന്ന സിനിമയുടെ എക്സിക്യുട്ടീവ് പ്രൊഡ്യൂസറുമാണ് അവന്തിക.
തൊടുപുഴയിലാണ് സിനിമയുടെ ചിത്രീകരണം പുരോഗമിക്കുന്നത്. സിനിമാ ലോകത്ത് മലയാളികൾ ഏറെ ബഹുമാനത്തോടെയും ആരാധനയോടെയും കാണുന്ന താരദമ്പതികളാണ് ചിപ്പിയും രഞ്ജിത്തും.