‘അയോദ്ധ്യ- കാശി- ബോധഗയ ‘ ഉൾപ്പെടുത്തി ഹോളി കാശി’ ആത്മീയ ടൂർ പാക്കേജുമായി ഐആർസിടിസി . 5 രാത്രിയും 6 പകലും നീണ്ടുനിൽക്കുന്ന യാത്ര ജൂൺ 2-ന് കോയമ്പത്തൂരിൽ നിന്ന് പുറപ്പെടും. 43,480 രൂപയാണ് പാക്കേജ് നിരക്ക്.
പാക്കേജ് നിരക്കുകൾ താമസസ്ഥലത്തെ അടിസ്ഥാനമാക്കി വ്യത്യാസപ്പെടും . മൂന്ന് പേരടങ്ങുന്ന സംഘത്തിന് ഒരാൾക്ക് 43,480 രൂപയും , രണ്ട് പേരാണെങ്കിൽ 44,720 രൂപയും , ഒരാൾ മാത്രമാണെങ്കിൽ 55,970 രൂപയുമാണ് നൽകേണ്ടത് . സന്ദർശകർക്ക് ഒരു രാത്രി ബോധ് ഗയയിലും മൂന്ന് രാത്രി വാരണാസിയിലും ഒരു രാത്രി അയോദ്ധ്യയിലും ചെലവഴിക്കാം.
ബോധഗയ, കാശി വിശ്വനാഥ ക്ഷേത്രം, വിശാലാക്ഷി ക്ഷേത്രം, അന്നപൂർണ ക്ഷേത്രം, വാരണാസിയിലെ സാരാനാഥ് എന്നിവിടങ്ങൾ ദർശിച്ച് വൈകുന്നേരത്തെ വാരണാസിയിലെ ഗംഗാ ആരതി, ത്രിവേണി സംഗമം കാണാനും അവസരമുണ്ട് . പ്രയാഗ്രാജിലെ പതൽപുരി ഹനുമാൻ ക്ഷേത്രം , രാമ ക്ഷേത്രം എന്നിവിടങ്ങളും ദർശിക്കാം. അയോദ്ധ്യ രാമക്ഷേത്രം , ജന്മഭൂമി, ഹനുമാൻ ഗർഹി ക്ഷേത്രം, മറ്റ് ക്ഷേത്രങ്ങൾ എന്നിവയും പായ്ക്കേജിൽ ഉൾപ്പെടുന്നു.
