നടൻ ജോജു ജോർജ് ആദ്യമായി സംവിധാനം ചെയ്ത ചിത്രം ‘പണി’യുടെ ഫസ്റ്റ് ലുക്ക് പോസ്റ്റർ പുറത്ത് വിട്ടു. ജോജുവിന്റെ സമൂഹമാദ്ധ്യമ പേജുകളിലൂടെയാണ് പോസ്റ്റർ പുറത്ത് വിട്ടത്. ജോജു തിരക്കഥ രചിച്ച ചിത്രത്തിന്റെ ഛായാഗ്രഹണം ജിന്റോ ജോർജ് ആണ്.
ചിത്രത്തിൽ നായികയാവുന്നത് തമിഴ് താരം അഭിനയയാണ്. ബിഗ് ബോസ് റിയാലിറ്റി ഷോ താരങ്ങളായ ജുനൈസ്, സാഗർ തുടങ്ങി നിരവധി പേരാണ് ചിത്രത്തിൽ അണിനിരക്കുന്നത്. അപ്പു പാത്തു പപ്പു പ്രൊഡക്ഷന്സിന്റെയും, എ ഡി സ്റ്റുഡിയോസിന്റെയും, ശ്രീ ഗോകുലം മൂവീസിന്റെയും ബാനറിൽ ജോജു ജോർജ്, എം. റിയാസ് ആദം, സിജോ വടക്കൻ എന്നിവർ ചേർന്നാണ് ചിത്രം നിർമ്മിക്കുന്നത്. വിഷ്ണു വിജയ്, സാം സി.എസ് എന്നിവരാണ് ചിത്രത്തിനായി സംഗീതം നൽകുന്നത്.
മാസ്സ്, ത്രില്ലർ, റിവഞ്ച് ജോണറിലാണ് സിനിമ ഒരുങ്ങുന്നത്. 100 ദിവസത്തോളം നീണ്ടു നിന്ന ചിത്രീകരണത്തിനൊടുവിൽ തിയറ്ററുകളിലെത്തുന്ന ചിത്രത്തിൽ ലീഡ് റോളിലെത്തുന്നതും ജോജുവാണ്. ഡ്രീം ബിഗ് ഫിലിംസ് ആണ് ചിത്രം വിതരണം ചെയ്യുന്നത്.
