വിവാഹത്തെക്കുറിച്ച് സമൂഹമാദ്ധ്യമങ്ങളിൽ തെറ്റായ വിവരങ്ങൾ പ്രചരിച്ചതിൽ വിഷമം ഉണ്ടെന്ന് നടി മഞ്ജിമ. ഗൗതമിന് പറ്റിയ ആളല്ല താനെന്നും ഭർതൃപിതാവിന് ഈ ബന്ധത്തിൽ താത്പ്പര്യമില്ലെന്നും ഉൾപ്പെടെ നിരവധി തെറ്റായ വിവരങ്ങൾ പ്രചരിച്ചെന്നും താരം പറഞ്ഞു. വിവാഹത്തിന് ശേഷം ഇതൊക്കെ വായിച്ച് ഒരുപാട് കരഞ്ഞപ്പോൾ ഗൗതമാണ് തന്നെ ആശ്വസിപ്പിച്ചതെന്നും നടി വ്യക്തമാക്കി. ഒരു അഭിമുഖത്തിനിടെയായിരുന്നു പ്രതികരണം.
‘എന്റെ വിവാഹത്തെ കുറിച്ച് സമൂഹമാദ്ധ്യമങ്ങളിൽ തെറ്റായ നിരവധി വാർത്തകൾ വന്നിരുന്നു. വിവാഹത്തിന് മുമ്പ് ഞാൻ ഗർഭിണിയാണെന്ന് പറഞ്ഞവരുണ്ട്. ഭർതൃപിതാവിന് ഈ വിവാഹത്തിൽ താത്പ്പര്യമില്ലെന്നും അദ്ദേഹത്തെ വിവാഹത്തിന് ക്ഷണിച്ചില്ലെന്നും സോഷ്യൽ മീഡിയയിൽ പ്രചരണമുണ്ടായി. എന്റെ ഭർതൃപിതാവിനെ വിവാഹത്തിന് ക്ഷണിക്കേണ്ട ആവശ്യമില്ല.
സമൂഹമാദ്ധ്യമങ്ങളിൽ നിറയുന്നതെല്ലാം പലരുടെയും സാങ്കല്പിക കഥകളാണ്. ഈ കമൻ്റുകൾ ഞങ്ങളുടെ കുടുംബത്തെ ഒരുപാട് വിഷമിപ്പിക്കും. ഞങ്ങളുടെ വിവാഹം ഒരു കൂട്ടർക്ക് സന്തോഷമായിരുന്നെങ്കിൽ മറ്റൊരു കൂട്ടർക്ക് വെറുപ്പായിരുന്നു. വിവാഹത്തിന് മുമ്പും ഇത്തരത്തിൽ നിരവധി കമന്റുകൾ താൻ കണ്ടിട്ടുണ്ട്. വിവാഹത്തിന് ശേഷം ഇത്തരത്തിലെ കമന്റുകൾ വായിച്ച് ഞാൻ ഒരുപാട് കരഞ്ഞിട്ടുണ്ട്. എന്തിനാണ് ഇതൊക്കെ വായിച്ച് കരയുന്നതെന്നാണ് അന്ന് ഗൗതം ചോദിച്ചത്.’- മഞ്ജിമ മോഹൻ പറഞ്ഞു.
