മോഹൻലാലുമായി കൂടിക്കാഴ്ച നടത്തി ബിജെപി സംസ്ഥാന വക്താവ് സന്ദീപ് വാചസ്പതി. തൊടുപുഴയിലെ ഷൂട്ടിംഗ് ലൊക്കേഷനിലെത്തിയാണ് താരത്തെ കണ്ടത്. മോഹൻലാലിനെ കണ്ടതിന്റെ ദൃശ്യങ്ങളും സന്ദീപ് വാചസ്പതി സമൂഹമാദ്ധ്യമങ്ങളിൽ പങ്കുവച്ചിട്ടുണ്ട്.
കടൽ, ആന, മോഹൻലാൽ. എത്ര കണ്ടാലും മലയാളികൾക്ക് മടുക്കാത്ത മൂന്ന് പ്രതിഭാസങ്ങൾ. തൊടുപുഴയിൽ തരുൺ മൂർത്തി സിനിമയുടെ ലൊക്കേഷനിൽ എത്തി ലാലേട്ടനെ കണ്ടു. ദീർഘനേരം സംസാരിച്ചു. കൂടിക്കാഴ്ചയുടെ വിശദാംശങ്ങൾ പിന്നാലെ അറിയിക്കാമെന്ന് കുറിച്ചുകൊണ്ടാണ് സന്ദീപ് ചിത്രം പങ്കുവച്ചത്.
രജപുത്ര വിഷ്വൽ മീഡിയയുടെ ബാനറിൽ എം. രഞ്ജിത്ത് നിർമ്മിക്കുന്ന സിനിമയുടെ ചിത്രീകരണം തൊടുപുഴയിൽ പുരോഗമിക്കുകയാണ്. ‘എൽ 360’ എന്ന താത്കാലിക പേരിലാണ് ഇപ്പോൾ സിനിമ അറിയപ്പെടുന്നത്.
