ബോളിവു‍ഡിന്റെ ലേഡി സൂപ്പർ സ്റ്റാറാണ് കാജോൾ. താരത്തിന്റെ വിശേഷങ്ങൾ പലപ്പോഴും സമൂഹമാദ്ധ്യമങ്ങളിൽ ശ്രദ്ധിക്കപ്പെടാറുണ്ട്. അത്തരത്തിൽ ഒരു പോസ്റ്റാണ് സമൂഹമാദ്ധ്യങ്ങളിൽ വൈറലാകുന്നത്. തന്റെ എക്കാലത്തെയും പ്രിയ ചിത്രമെന്നാണ് താരം വെളിപ്പെടുത്തിയത്. ഇൻസ്റ്റഗ്രാമിൽ പങ്കുവച്ച പോസ്റ്റ് ആരാധകർ ഏറ്റെടുത്തിരിക്കുകയാണ്.
അമിതാഭ് ബച്ചനും ധർമേന്ദ്രയും അഭിനയിച്ച 1975-ൽ പുറത്തിറങ്ങിയ ഷോലെ എന്ന ക്ലാസിക്കാണ് തന്റെ പ്രിയ ചിത്രമെന്നാണ് കാജോൺ പറയുന്നത്. എന്റെ എന്നത്തെയും പ്രിയപ്പെട്ട ചിത്രം എന്നാണ് താരം ഈ സിനിമയെ വിശേഷിപ്പിക്കുന്നത്. എന്നും അസ്വദിക്കാൻ കഴിയുന്ന ചിത്രമാണ് ഷോലെ. ചിത്രത്തിലെ കഥാപാത്രങ്ങൾ ഇന്നും മനസിൽ നിറഞ്ഞുനിൽക്കുകയാണെന്നും കാജോൾ ഇൻസ്റ്റഗ്രാമിൽ കുറിച്ചു.
രമേഷ് സിപ്പിയുടെ സംവിധാനത്തിൽ ഇറങ്ങിയ ആക്ഷൻ-അഡ്വഞ്ചർ ചിത്രമാണ് ഷോലെ. അമിതാഭ് ബച്ചൻ, ധർമ്മേന്ദ്ര, ഹേമ മാലിനി, അംജദ് ഖാൻ, സഞ്ജീവ് കുമാർ, ജയ ബച്ചൻ എന്നിവരാണ് ചിത്രത്തിലെ അഭിനേതാക്കൾ. ബച്ചൻ പ്രധാന വേഷത്തിലെത്തിയ ചിത്രം ആഗോള ബോക്സോഫീസിൽ വൻ ഹിറ്റായിരുന്നു. തുടർച്ചയായി 286 ആഴ്ചകളാണ് ചിത്രം മുംബൈയിൽ പ്രദർശിപ്പിച്ചത്. ഈ ചിത്രത്തിലൂടെയാണ് ബോളിവുഡ് സൂപ്പർ സ്റ്റാർ എന്ന പട്ടം ബച്ചൻ സ്വന്തമാക്കിയത്.
