കുഞ്ചാക്കോ ബോബനും സുരാജ് വെഞ്ഞാറമൂടും പ്രധാന വേഷത്തിലെത്തുന്ന ചിത്രമാണ് ഗർർ. ചിത്രത്തിൽ ഇവരോടൊപ്പം ഒരു സിംഹവും എത്തുന്നുണ്ട്. ഈ സിംഹം ഗ്രാഫിക്സ് ആണെന്ന തരത്തിൽ ചില പ്രചാരണങ്ങളും ഉയർന്നിരുന്നു. ഇതിനെല്ലാം മറുപടിയുമായി എത്തിയിരിക്കുകയാണ് നടൻ.
തന്റെ ഇൻസ്റ്റഗ്രാമിൽ, സിംഹത്തിന്റെ ചില രംഗങ്ങൾ ഷൂട്ട് ചെയ്യുന്ന വീഡിയോയാണ് കുഞ്ചാക്കോ ബോബൻ പങ്കുവച്ചിരിക്കുന്നത്. ‘സിംഹം ഗ്രാഫിക്സ് ആണത്രേ ഗ്രാഫിക്സ്…. അതും മാന്ത് കിട്ടിയ എന്നോട്’. എന്ന കുറിപ്പോടെയാണ് താരം വീഡിയോ പങ്കുവച്ചിരിക്കുന്നത്. ബോളിവുഡ്, ഹോളിവുഡ് ചിത്രങ്ങളിൽ അഭിനയിച്ചിട്ടുള്ള മോജോ എന്നു പേരുള്ള സിംഹമാണ് കുഞ്ചാക്കോ ബോബനൊപ്പമുള്ളത്.
ജൂണ് 14-നാണ് ചിത്രം തിയേറ്ററുകളിൽ എത്തുന്നത്. എസ്രയ്ക്കു ശേഷം ജയ് കെ സംവിധാനം ചെയ്യുന്ന ചിത്രമാണിത്. സംവിധായകന് ജയ് കെയും പ്രവീണ് എസും ചേര്ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഷാജി നടേശന്, തമിഴ് നടന് ആര്യ എന്നിവര് ചേര്ന്നാണ് ചിത്രം നിർമിക്കുന്നത്. പ്രശസ്ത സംവിധായകനായ രതീഷ് ബാലകൃഷ്ണൻ പൊതുവാളാണ് ചിത്രത്തിന്റെ പ്രൊഡക്ഷന് ഡിസൈനറെന്നതാണ് മറ്റൊരു പ്രത്യേകത.
View this post on Instagram
