ഇന്ന് ‘റെക്കോർഡ് കിതപ്പ്’; സ്വർണവിലയിൽ വൻ ഇടിവ്‌; വെള്ളിയും കൂപ്പുകുത്തി ‌

കൊച്ചി: കേരള ചരിത്രത്തിലാദ്യമായി ഒറ്റയടിക്ക് പവന് കുറ‍ഞ്ഞത് 1,520 രൂപ. സംസ്ഥാനത്ത് ഇന്ന് ​ഗ്രാമിന് 190 രൂപ കുറഞ്ഞ് 6,570 രൂപയിലെത്തി. പവന് ഇന്ന് 52,560 രൂപയാണ് വിപണി വില.

18 ക്യാരറ്റ് സ്വർണവില ​ഗ്രാമിന് 150 രൂപ താഴ്ന്ന് 5,470 രൂപയിലെത്തി. വെള്ളിവിലയിലും ഇന്ന് ഇടിവ് രേഖപ്പെടുത്തി. ​ഗ്രാമിന് മൂന്ന് രൂപ കുറഞ്ഞ് 96 രൂപയായി.

ഇന്നലെ 240 രൂപയാണ് പവന് വർദ്ധിച്ചത്. ‌‌‌ഇതോടെ നിരക്ക് 54,080 രൂപയായിരുന്നു. ​ഗ്രാമിന് 30 രൂപ വർദ്ധിച്ച് 6,760 രൂപയുമായിരുന്നു. ഈ മാസത്തെ ഉയർന്ന നിരക്കായിരുന്നു ഇത്. ഇതിന് പിന്നാലെയാണ് ഇന്ന് ഒറ്റയടിക്ക് സ്വർണവില ഇടിയുന്നത്.