കൺമുന്നിൽ കണ്ട യാഥാർത്ഥ സംഭവങ്ങളിൽ നിന്നും ഭാവനയിൽ എഴുതിയതാണ് ആനന്ദ് ശ്രീബാലയെന്ന് തിരക്കഥാകൃത്ത് അഭിലാഷ് പിള്ള. പ്രിയപ്പെട്ട കഥകളിൽ ഒന്നാണ് ആനന്ദ് ശ്രീബാലയുടേതെന്നും അദ്ദേഹം പറഞ്ഞു.
മലയാളത്തിന് മറ്റൊരു പുതുമുഖ സംവിധായകനെ സമ്മാനിക്കാൻ കഴിഞ്ഞതിൻറെ സന്തോഷത്തിൽ കൂടിയാണ് മാളികപ്പുറമെന്ന ഹിറ്റ് ചിത്രം മലയാളിക്ക് സമ്മാനിച്ച അഭിലാഷ് പിള്ള. സംവിധായകൻ വിനയന്റെ മകൻ വിഷ്ണു വിനയൻ സംവിധായകന്റെ കുപ്പായമണിയുന്ന ആദ്യ ചിത്രമാണ് ആനന്ദ് ശ്രീബാല.
കുറ്റാന്വേഷണ രീതിയിൽ കഥ പറയുന്ന ഫാമിലി ത്രില്ലറാണ് ചിത്രം. എല്ലാവരും ഒന്നിച്ചപ്പോൾ ഞങ്ങൾ ആഗ്രഹിച്ച പോലെ ഒരു സിനിമ ചെയ്യാൻ കഴിഞ്ഞു. സിനിമയുടെ ചിത്രീകരണത്തിനായി ആത്മാർത്ഥമായി പ്രവർത്തിച്ച എല്ലാ സഹപ്രവർത്തകരോടും നന്ദി അറിയിക്കുന്നതായും അദ്ദേഹം പറഞ്ഞു. ഫേസ്ബുക്ക് പേജിലൂടെയാണ് നന്ദി അറിയിച്ചിരിക്കുന്നത്.
ഇതിനിടെ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങിയിട്ടുണ്ട്. പൃഥ്വിരാജ്, ഫഹദ് ഫാസിൽ, ബേസിൽ ജോസഫ്, മമത ബൈജു, നസ്ലിൻ എന്നിവരുടെ സമൂഹമാദ്ധ്യമ പേജുകളിലൂടെയാണ് ഫസ്റ്റ്ലുക്ക് പോസ്റ്റർ പ്രേക്ഷകരിലേക്ക് എത്തിയത്.
