“അവൻ നേരത്തെ എത്തുന്നു”; ഞെട്ടിക്കാൻ ജൂനിയർ എൻടിആർ; ദേവരയുടെ റിലീസ് തീയതി മാറ്റി

ജൂനിയർ എൻടിആർ കേന്ദ്ര കഥാപാത്രമായി എത്തുന്ന പുതിയ ചിത്രം ‘ദേവര’ സെപ്റ്റംബറിൽ തിയേറ്ററുകളിലെത്തും. സെപ്റ്റബർ 27-നാണ് ‌ചിത്രം തിയേറ്ററുകളിലെത്തുന്നത്. അണിയറപ്രവർത്തകരാണ് ഇക്കാര്യം അറിയിച്ചിരിക്കുന്നത്. ചിത്രം ഒക്ടോബർ 10-ന് റിലീസ് ചെയ്യുമെന്നാണ് നേരത്തെ അറിയിച്ചിരുന്നത്.

കൊരട്ടല ശിവയുടെ സംവിധാനത്തിലൊരുങ്ങുന്ന ചിത്രത്തിൽ ജാൻവി കപൂർ, സെയ്ഫ് അലി ഖാൻ എന്നിവരും പ്രധാന വേഷത്തിലെത്തുന്നു. ചിത്രത്തിന്റെ ഔദ്യോ​ഗിക എക്സ് അക്കൗണ്ടിൽ പുതിയ പോസ്റ്ററോടെയാണ് പുതിയ റിലീസ് തീയതി പ്രഖ്യാപിച്ചത്. “അവൻ നേരത്തെ എത്തുന്നു, എല്ലാവർക്കും മുന്നറിയിപ്പ് നൽകുക” എന്ന അടിക്കുറിപ്പോടെയാണ് പോസ്റ്റർ പങ്കുവച്ചിരിക്കുന്നത്.

Sending a Warning Notice to all coasts about his early arrival ⚠️⚠️

Man of Masses @Tarak9999‘s #Devara in cinemas from 𝐒𝐞𝐩𝐭𝐞𝐦𝐛𝐞𝐫 𝟐𝟕𝐭𝐡! 🔥🔥#DevaraOnSep27th 🌊 pic.twitter.com/j3WOyPYmX2

— Devara (@DevaraMovie) June 13, 2024

രണ്ട് ഭാ​ഗങ്ങളായാണ് ദേവര പുറത്തിറങ്ങുന്നത്. യുവസുധ ആർട്‌സും എൻടിആർ ആർട്‌സും ചേർന്നാണ് ചിത്രത്തിന്റെ നിർമാണം. അനിരുദ്ധ് രവിചന്ദറായിരിക്കും സംഗീത സംവിധാനം നിർവഹിക്കുന്നത്.