എറണാകുളം: ഇന്നസെൻ്റ് ഒഴിഞ്ഞതിന് പിന്നാലെ അമ്മ താരസംഘടനയുടെ പ്രസിഡന്റായി മോഹൻലാൽ കഴിഞ്ഞ ദിവസമാണ് മൂന്നാമതും തിരഞ്ഞെടുക്കപ്പെട്ടത്. ഇതിനിടെ പ്രസിഡന്റ് സ്ഥാനത്തേക്ക് മത്സരിക്കാൻ ആലോചിച്ചതിനെക്കുറിച്ച് നടനും സംവിധായകനുമായ ജോയ് മാത്യു വെളിപ്പെടുത്തി. പുതിയ ചിത്രത്തിന്റെ ഭാഗമായി യുട്യൂബ് ചാനലിന് നൽകിയ അഭിമുഖത്തിലായിരുന്നു പരാമർശം.
പ്രസിഡന്റ് സ്ഥാനത്തേക്ക് മത്സരിക്കണമെന്നാണ് വിചരിച്ചിരുന്നത്. മുട്ടുമ്പോൾ ആനയോട് മുട്ടണമല്ലോ, കരുത്തനായ സ്ഥാനാർത്ഥിയാണ് മോഹൻലാൽ. പക്ഷേ നമ്മൾ മത്സരിക്കാനിറങ്ങിയാൽ മോനെ നീ എടുത്തോ എന്ന് അദ്ദേഹം പറയും. ആരെങ്കിലും മുന്നോട്ട് വന്നാൽ മൂപ്പര് അപ്പോൾ തന്നെ ഈ കസേര വിടും.
ഞാൻ ഈ പരിപാടിക്കില്ലെന്ന് പറയും. സത്യത്തിൽ ഈ സ്ഥാനം അദ്ദേഹത്തിന് ഏൽപ്പിച്ച് നൽകിയതാണ്. എല്ലാവർക്കും സമ്മതനായ ഒരാള് വേണ്ടേ.ആരെങ്കിലും വന്നിട്ട് കാര്യമാെന്നുമില്ല. അയാളുടെ വാക്കുകൾക്ക് സ്വീകാര്യത വേണം. തീരുമാനങ്ങളെടുക്കാൻ സാധിക്കണം. ഈ ക്വാളിറ്റിയെല്ലാമുള്ള ആളാണ് മോഹൻലാൽ.
