സർവീസ് അവിടെയാണെങ്കിൽ എന്താ, മെച്ചം ഇവിടെയും! മലയാളിയുടെ ചെന്നൈ യാത്ര ഇനി ലളിതമാകും; വരുന്നു ചെന്നൈ-നാഗർകോവിൽ വന്ദേ ഭാരത്

മലയാളികൾക്കും ഏറെ ഉപകാരപ്രദമാകുന്ന ട്രെയിൻ സർവീസാണ് ചെന്നൈ-നാ​ഗർ‌കോവിൽ റൂട്ടിൽ സർവീസിനൊരുങ്ങുന്ന വന്ദേ ഭാരത്. തിരുവനന്തപുരത്തേക്കുള്ള യാത്ര സമയം കുറയ്‌ക്കാൻ ഇതിന് സാധിക്കും.

ഉടൻ തന്നെ ചെന്നൈ സെൻട്രൽ‌- നാ​ഗർകോവിൽ ജം​ഗ്ഷൻ വന്ദേ ഭാരത് സർവീസിന് തുടക്കമാകും. പുലർച്ചെ 4.15-ന് ചെന്നൈ സെൻട്രലിൽ നിന്ന് പുറപ്പെട്ട് ഉച്ചയ്‌ക്ക് 1.50-ന് നാഗർകോവിലിൽ എത്തുന്ന രീതിയിലാണ് സർവീസ്. ഉച്ചയ്‌ക്ക് 2.20-നാണ് മടക്കയാത്രയ്‌ക്കായി നാഗർകോവിലിൽ നിന്ന് പുറപ്പെടുക. തുടർന്ന് രാത്രി 12.05-ന് ചെന്നൈയിൽ എത്തിച്ചേരും.

9.30 മണിക്കൂർകൊണ്ട് 724 കിലോമീറ്റർ യാത്ര യാണ് വന്ദേ ഭാരത് ട്രെയിൻ റൂട്ടിൽ‌ പൂർത്തിയാക്കുന്നത്. മറ്റ് ട്രെയിനുകൾ 11 മുതൽ 13 മണിക്കൂർ വരെ എടുക്കും ചെന്നൈയിൽ നിന്ന് നാ​ഗർകോവിലിൽ എത്താനായി. മൂന്നര മണിക്കൂർ വരെ സമയം ലാഭിക്കാൻ ഇതിലൂടെ സാധിക്കും. അടുത്തിടെയാണ് ട്രെയിനിന്റെ ട്രയൽ റൺ നടത്തിയത്.