ഇംഗ്ലണ്ടിനെ പരിഹസിച്ച് ടി20 ലോകകപ്പ് അംബാസഡറും മുൻ ഇന്ത്യൻ താരവുമായ യുവരാജ് സിംഗ്. സെമി ഫൈനലിൽ 68 റൺസിന് ഇംഗ്ലണ്ടിനെ ഇന്ത്യ തോൽപ്പിച്ചതിന് പിന്നാലെയായിരുന്നു പരിഹാസം.
സെമി ഫൈനലിൽ മികച്ച പ്രകടനം കാഴ്ച വച്ച ടീം ഇന്ത്യക്ക് ആശംസകൾ, ഭാര്യാ കുടുംബത്തിന് ശുഭരാത്രി എന്നാണ് യുവരാജ് എക്സിൽ കുറിച്ചത്. ബ്രിട്ടണിൽ ജനിച്ച നടിയും മോഡലുമായ ഹേസൽ കീച്ചാണ് യുവരാജിന്റെ ഭാര്യ. അതാണ് മുൻ ഇന്ത്യൻ താരത്തിന്റെ ഇംഗ്ലണ്ട് ബന്ധത്തിന് പിന്നിൽ.
Well played boys 🇮🇳 goodnight in-laws 🤪 #IndiaVsEng #ICCMensT20WorldCup2024
— Yuvraj Singh (@YUVSTRONG12) June 27, 2024
“>
സെമി ഫൈനലിന് മുന്നോടിയായി 2022-ലെ സെമി ഫൈനൽ ഓർമ്മയുണ്ടോയെന്ന് ചോദിച്ച ഇംഗ്ലീഷ് ക്രിക്കറ്റ് ബോർഡിനുള്ള മറുപടി കൂടിയായിരുന്നു ഇന്ത്യയുടെ ഇന്നലത്തെ ജയം. 12 മാസത്തിനിടെ ഇന്ത്യയെ 3 ഐസിസി ഫൈനലുകളിലേക്ക് നയിച്ച ആദ്യ ഇന്ത്യൻ നായകനാണ് രോഹിത് ശർമ്മ.
വിജയത്തിൽ സന്തോഷമുണ്ടെന്നും ടീമിലെ ഓരോ അംഗത്തിന്റെയും പ്രയത്നത്തിന്റെ ഫലമാണിതെന്നും മത്സരശേഷം രോഹിത് പ്രതികരിച്ചു. ബർബഡോസിൽ 29ന് രാത്രി 8 മണിക്കാണ് ഫൈനൽ, ദക്ഷിണാഫ്രിക്കയാണ് എതിരാളി.
