അസംഘടിത മേഖലയിലെ തൊഴിലാളികൾക്ക് സഹായകരമായ തപാൽ വകുപ്പിന്റെ ഇൻഷുറൻസ് പരിരക്ഷ പദ്ധതിയിലേക്ക് ജൂലൈ 30 വരെ അപേക്ഷിക്കാം. ഇന്ത്യ പോസ്റ്റ് പേയ്മെൻ്റ് ബാങ്കിന്റെ (ഐപിപിബി) അന്ത്യോദയ ശ്രമിക് സുരക്ഷാ യോജന പദ്ധതിയിൽ തൊഴിലിടങ്ങളും അല്ലാതെയുമുള്ള അപകടങ്ങളിൽ പൂർണ പരിരക്ഷയാണ് ഉറപ്പുനൽകുന്നത്.
റോഡപകടം, തീപ്പൊള്ളൽ, വഴുതി വീഴൽ, പാമ്പ് കടിയേൽക്കൽ തുടങ്ങിയ അപകടങ്ങൾക്കെല്ലാം ഇൻഷുറൻസ് പരിരക്ഷ പദ്ധതി ഉറപ്പാക്കുന്നു. തൊട്ടടുത്തുള്ള പോസ്റ്റോഫീസിൽ ഐപിരിബി അക്കൗണ്ട് തുടങ്ങി തൊഴിലാളികൾക്ക് പദ്ധതിയിൽ അംഗമാകാം. 200 രൂപയാണ് ചെലവ്. ആധാർ കാർഡും ഒടിപി ലഭിക്കാൻ മൊബൈൽ ഫേണും കൈയിൽ കരുതേണ്ടതാണ്.
അപകട ഇൻഷുറൻസ് ഉൾപ്പെടെ നിരവധി ആനുകൂല്യങ്ങൾ ഇതിൽ ഉൾപ്പെടുന്നു. വൈകല്യം സംഭവിച്ചാലും ആശുപത്രിയിൽ പ്രവേശിപ്പിച്ചാലും ഇൻഷുറൻസിന്റെ ആനുകൂല്യങ്ങൾ ലഭ്യമാകും. 10 ലക്ഷം രൂപ വരെയാണ് ലഭിക്കുക.
