കളിച്ചുകൊണ്ടിരിക്കേ ബാൽക്കണി തകർന്ന് വീണു; മൂന്ന് കുട്ടികൾക്ക് ദാരുണാന്ത്യം

ചണ്ഡീ​ഗഡ്: വീടിന്റെ ബാൽ‍ക്കണി തകർന്ന് വീണ് മൂന്ന് കുട്ടികൾക്ക് ദാരുണാന്ത്യം. ഹരിയാനയിലെ ഫരീദാബാദിലാണ് സംഭവം. 10 വയസുകാരൻ ആദി, ഒൻപത് വയസുള്ള ആകാശ്, ഏഴു വയസുകാരി മുസ്കാൻ എന്നിവരാണ് മരിച്ചത്.

‌‍സിക്രി ​ഗ്രാമത്തിലാണ് ദാരുണ സംഭവം. ബാൽക്കണിയിൽ കളിച്ചു കൊണ്ടിരിക്കേയാണ് അപകടം. ഒരേ കുടുംബത്തിലെ മൂന്ന് കുട്ടികളാണ് മരിച്ചത്. ഇവർക്കൊപ്പം കളിച്ച് കൊണ്ടിരുന്നു മറ്റ് രണ്ട് പെൺകുട്ടികൾ അത്ഭുതകരമായി രക്ഷപ്പെട്ടു.