മോഹൻലാൽ സംവിധാനം ചെയ്യുന്ന ആദ്യ ചിത്രം ബറോസ് തിയേറ്ററിലെത്താൻ ഇനി 65 ദിവസം മാത്രം. ഓണം റിലീസായാണ് ബറോസ് റിലീസിനെത്തുന്നത്. പ്രിയ താരത്തിന്റെ സിനിമ കാണാൻ ആരാധകർ ആകാംക്ഷയോടെയാണ് കാത്തിരിക്കുന്നത്.
സെപ്റ്റംബർ 12-നാണ് ബറോസ് തിയേറ്ററിലെത്തുന്നത്. വർഷങ്ങളായുള്ള അഭിനയ ജീവിതത്തിൽ നിന്നും നേടിയ അറിവുകളും പാഠങ്ങളും ഉൾകൊണ്ടാണ് മോഹൻലാൽ സംവിധാന രംഗത്തേക്ക് കാലെടുത്ത് വയ്ക്കുന്നത്. വ്യത്യസ്ത വേഷങ്ങളിൽ മാസ് ഡയലോഗുമായെത്തി പ്രേക്ഷക ഹൃദയങ്ങൾ കീഴടക്കിയ താരം സംവിധായകന്റെ കുപ്പായമണിയുമ്പോൾ എങ്ങനെ ഉണ്ടാകുമെന്ന ആകാംക്ഷയിലാണ് മലയാളി പ്രേക്ഷകർ.
ചിത്രത്തിന്റെ ഓരോ അപ്ഡേറ്റുകളും പ്രേക്ഷകർക്കിടയിൽ വലിയ ചർച്ചയായിരുന്നു. ബറോസിന്റെ വരവറിയിക്കുന്ന ചിത്രങ്ങളും വീഡിയോകളും ആരാധകർ സമൂഹമാദ്ധ്യമങ്ങളിൽ പങ്കുവക്കാൻ തുടങ്ങിയിട്ടുണ്ട്.
ടോവിനോ തോമസ് നായകനാകുന്ന അജയന്റെ രണ്ടാം മോഷണം, ജയസൂര്യയുടെ കത്തനാർ എന്നീ ത്രീഡി ചിത്രങ്ങളും സെപ്റ്റംബറിലാണ് റിലീസ് ചെയ്യുന്നത്. അജയന്റെ രണ്ടാം മോഷ്ണം സെപ്റ്റംബർ 12-നാണ് തിയേറ്റുകളിലെത്തുന്നതെന്നാണ് വിവരം.
