പാർക് ചെയ്യാൻ ശ്രമിക്കുന്നതിനിടെ കാർ നിയന്ത്രണം തെറ്റി 30 അടി താഴ്ചയിലേക്ക് വീണു. വാഹനം ഓടിച്ചിരുന്ന യുവതിക്ക് ഗുരുതരമായി പരിക്കേറ്റു. കാർ റിവേഴ്സ് എടുക്കുമ്പോഴായിരുന്നു സംഭവം. ഹിമാചലിലെ സോലനിൽ തിങ്കളാഴ്ച രാവിലെയായിരുന്നു അപകടം. ഇതിന്റെ വീഡിയോ സോഷ്യൽ മീഡിയയിൽ വൈറലായി. കാർ പൂർണമായി തകർന്നു.
കാർ പിന്നോട്ടെടുക്കുമ്പോൾ ഒരു വഴിയാത്രക്കാരി ഇവിടെയുണ്ടായിരുന്നു. ഇവർ പന്തികേട് മനസിലാക്കി മാറാൻ ശ്രമിക്കുന്നതിനിടെയാണ് കാർ നിയന്ത്രണം തെറ്റി താഴ്ചയിലേക്ക് വീഴുന്നത്. ഇതിന്റെ ഉഗ്ര ശബ്ദം കേട്ടതോടെ ആൾക്കാർ രക്ഷാപ്രവർത്തനത്തിന് ഓടിയെത്തുകയായിരുന്നു. പരിക്കേറ്റ യുവതിയെ അടുത്തുള്ള ആശുപത്രിയിൽ പ്രവേശിപ്പിച്ചു.
കൈയിലും കാലിലുമാണ് ഇവർക്ക് ഗുരുതരമായി പരിക്കേറ്റത്. അതേസമയം ഹിമാചലിൽ കനത്ത മഴയാണ് അനുഭവപ്പെടുന്നത്. 70 റോഡുകൾ അടയ്ക്കുകയും ജല-വൈദ്യുത വിതരണം പൂർണമായി തടസപ്പെടുകയും ചെയ്തു.
While parking the car near power house road in #Solan, the woman lost control of the car and the car fell into a ditch about 30 meters ditch. The woman suffered from serious injuries and was admitted to the hospital. pic.twitter.com/W3nEYwwOmH
— Nikhil Choudhary (@NikhilCh_) July 8, 2024
“>
