അനന്ത് അംബാനിയുടെയും രാധികാ മെർച്ചന്റിന്റെയും വിവാഹത്തിന് മുന്നോടിയായുള്ള ഹൽദി ആഘോഷത്തിൽ പങ്കെടുത്ത് ബോളിവുഡ് താരങ്ങൾ.
ഇന്നലെ മുംബൈയിൽ നടന്ന ആഘോഷത്തിൽ ബോളിവുഡ് സിനിമാ മേഖലയിലെ നിരവധി സെലിബ്രിറ്റികളാണ് പങ്കെടുത്തത്. ആഘോഷത്തിന്റെ ചിത്രങ്ങൾ സമൂഹമാദ്ധ്യമങ്ങളിൽ വൈറലാവുകയാണ്.അംബാനി കുടുംബാംഗങ്ങളുടെ ചിത്രങ്ങളും പുറത്തുവന്നിട്ടുണ്ട്.
സൽമാൻ ഖാൻ, അർജുൻ കപൂർ, രൺവീർ സിംഗ്, അനന്യ പാണ്ഡെ, സാറാ അലി ഖാൻ, അറ്റ്ലി എന്നിവർ ഹൽദിയിൽ പങ്കെടുത്തു.
ഇവരുടെ ചിത്രങ്ങൾ സമൂഹമാദ്ധ്യമങ്ങളിൽ വൈറലാകുന്നുണ്ട്. കറുത്ത നിറത്തിലുള്ള കുർത്ത ധരിച്ചാണ് സൽമാൻ ഖാൻ ആഘോഷത്തിനെത്തിയത്.
മഞ്ഞ കുർത്ത ധരിച്ച് രൺവീർ സിംഗും കറുത്ത സ്യൂട്ടിൽ അർജുൻ കപൂറും ചടങ്ങിനെത്തി.
പിങ്ക് നിറത്തിലുള്ള അതിമനോഹരമായ ലഹങ്ക ധരിച്ചായിരുന്നു സാറാ അലി ഖാൻ ആഘോഷത്തിനെത്തിയത്.
ഗോൾഡ് നിറത്തിലുള്ള വസ്ത്രമായിരുന്നു അനന്യ പാണ്ഡെയുടെ വേഷം. ഭാര്യ ദീപ നാരായണനോടൊപ്പമാണ് ഗായകൻ ഉദിത് നാരായൺ എത്തിയത്.
ഗായകൻ രാഹുൽ വൈദ്യ ഭാര്യയും നടിയുമായ ദിഷ പാർമറിനൊപ്പം ചടങ്ങിൽ പങ്കെടുത്തു. ചുവപ്പ് നിറത്തിലുള്ള മോഡേൺ വസ്ത്രത്തിലാണ് ഇരുവരും ആഘോഷത്തിനെത്തിയത്.
