മലപ്പുറം: സിവിൽ സപ്ലൈക്കോ ഗോഡൗണിൽ സൂക്ഷിച്ച സാധനങ്ങൾ കാണാതായതായി ഇന്റേണൽ ഓഡിറ്റ് വിഭാഗത്തിന്റെ കണ്ടെത്തൽ. മലപ്പുറം തിരൂർ കടുങ്ങാത്തുകുണ്ടിൽ പ്രവർത്തിക്കുന്ന സപ്ലൈകോ ഗോഡൗണിൽ സൂക്ഷിച്ച സാധനങ്ങളാണ് കാണാതായത്.
2.78 കോടി രൂപയുടെ ഭക്ഷ്യ സാധനങ്ങൾ ഗോഡൗണിൽ ഉണ്ടായിരുന്നതായി ഉദ്യോഗസ്ഥർ പറഞ്ഞു. ഇന്റേണൽ ഓഡിറ്റ് വിഭാഗം നടത്തിയ പരിശോധനയിലാണ് ക്രമക്കേട് നടന്നതായി കണ്ടെത്തിയത്. സംഭവത്തിൽ സപ്ലൈക്കോയിലെ 8 ജീവനക്കാരെ സസ്പെൻഡ് ചെയ്തിട്ടുണ്ട്.
ഡിപ്പോ മാനേജർ നൽകിയ പരാതിയുടെ അടിസ്ഥാനത്തിൽ കേസെടുത്ത് അന്വേഷണം ആരംഭിച്ചതായി പൊലീസ് പറഞ്ഞു.
