മനസിലായോ ആളെ? ഞാനും അവിടെയുണ്ടായിരുന്നു! വർഷങ്ങൾക്ക് ശേഷം, ചിത്രവുമായി ഇതിഹാസ ക്രിക്കറ്റർ

സോഷ്യൽ മീഡിയ തുറന്നാൽ അനന്ത് അംബാനി- രാധിക മർച്ചന്റ് വിവാഹത്തിന്റെ ചിത്രങ്ങളും വീഡ‍ിയോകളുമാണ് നിറയെ. പങ്കെടുത്തവരെല്ലാം ദൃശ്യങ്ങളും ചിത്രങ്ങളും പങ്കുവയ്‌ക്കുന്നുണ്ട്. ഇതുകൂടാതെ ലീക്കായ വീഡിയോകളും പുറത്തുവരുന്നുണ്ട്. ക്രിക്കറ്റമാരടക്കം ലോകത്തിന്റെ നാനാതുറകളിൽ നിന്ന് വമ്പൻ സെലിബ്രറ്റികളാണ് താര വിവാഹത്തിൽ പങ്കെടുക്കാൻ എത്തിയത്.

ഇതിനിടെ ഒരാൾ താനും ആ വിവാഹത്തിൽ പങ്കെടുത്തിരുന്നു എന്ന കുറിപ്പോടെ ചിത്രം പങ്കുവച്ചു. മുൻ ഇന്ത്യൻ താരവും പരിശീലകനുമായ റോബിൻ സിം​ഗ് ആണ് വർഷങ്ങൾക്ക് ശേഷം ഒരു ചിത്രം പങ്കുവച്ചത്. ഇന്ത്യയുടെ ഓൾറൗണ്ടറും മിന്നൽ ഫീൾഡറുമായിരുന്ന റോബിൻ സിം​ഗ് പൊതുയിടങ്ങളിൽ നിന്ന് അകന്ന് നിൽക്കുകയായിരുന്നു. ചിത്രം പുറത്തുവന്നതോടെ ആരാധകരും പ്രിയതാരത്തെ കണ്ടതിന്റ സന്തോഷം പങ്കുവച്ചു.

1989 മുതലാണ് റോബിൻ സിം​ഗ് ഇന്ത്യക്ക് വേണ്ടി കളിച്ചു തുടങ്ങിയത്. 2001 ൽ വിരമിക്കൽ പ്രഖ്യാപിക്കുന്നത്.
136 ഏകദിനത്തിൽ നിന്ന് 2336 റൺസ് നേടിയ താരം 69 വിക്കറ്റുകളും സ്വന്തമാക്കി.പിന്നീട് 2007 ൽ ടീം ഇന്ത്യയുടെ ഫീൾഡിം​ഗ് പരിശീലകനുമായിരുന്നു 60-കാരനായ റോബിൻ സിം​ഗ്. 2010-2012 വരെ മുംബൈ പരിശീലകനായും റോബിൻ സിം​ഗ് ഉണ്ടായിരുന്നു.

I too was there 😊 pic.twitter.com/z9l6yH9JZb

— Robin Singh (@robinsingh1409) July 13, 2024