ഇരട്ടി സ്വർണ തിളക്കത്തിലാണ് ചൈനീസ് ബാഡ്മിൻ്റൺ താരം ഹുവാങ് യാ ക്വിയോങ്. ഒളിമ്പിക്സിലെ സ്വർണ പതക്കം നെഞ്ചേറ്റി പാരിസിന്റെ മണ്ണിൽ നിന്ന് മടങ്ങുമ്പോൾ കയ്യിലൊരു തങ്കമോതിരം കൂടിയുണ്ട്. ആ മോതിരം ലഭിച്ച രസകരമായ കഥയിതാ..
ബാഡ്മിൻ്റൺ മിക്സഡ് ഡബിൾസ് ഫൈനലിൽ ഷെങ് സി വെയ്ക്കൊപ്പം കൊറിയൻ സഖ്യത്തെ കീഴടക്കി സ്വർണമണിഞ്ഞ് അഭിമാനതേരിലെറി ഒളിമ്പിക് പോഡിയത്തിൽ നിൽക്കുകയാണ് ക്വിയോങ്. പോഡിയത്തിലെ മെഡൽദാന ചടങ്ങിന് പിന്നാലെ തിരികെ നടക്കാനൊരുങ്ങിയതിനിടെ പോഡിയത്തിലേക്ക് വിവാഹഭ്യർത്ഥനയുമായി ഒരാളെത്തി, കയ്യിലൊരു മോതിരവുമുണ്ട്. സ്വന്തം ടീം അംഗവും ബോയ്ഫ്രണ്ടുമായ ലിയു യുചെനായിരുന്നു അത്.
സിനിമാ രംഗം പോലെയായിരുന്നു പിന്നീട്. യാ യുചെൻ മുട്ടുകുത്തിയിരുന്ന് പോക്കറ്റിൽ നിന്ന് വിവാഹ മോതിരം പുറത്തെടുത്തു. പുഞ്ചിരിയോടെ പ്രിയതമയോട് വിവാഹഭ്യർത്ഥന നടത്തി. മറ്റൊന്നും ചിന്തിക്കാതെ, എന്നാൽ അൽപം ഞെട്ടലോടെ യാ ക്വിയോങ് സമ്മതംമൂളി. പിന്നാലെ എങ്ങും ആരവം, എങ്ങും സന്തോഷം. ലാ ചാപ്പല്ലെ അരീനയിലെ കാണികളെല്ലാം ഡബിൾ ഹാപ്പി. രാജ്യത്തിന് വേണ്ടി ആദ്യ ഒളിമ്പിക് മെഡൽ നേടിയ സന്തോഷത്തിനൊപ്പം അനശ്വര മുഹൂർത്തം കൂടിയാണ് ഹുവാങ് യാ ക്വിയോങിന് ലഭിച്ചത്.
“I’ll love you forever! Will you marry me?”
“Yes! I do!”OMG!!! Romance at the Olympics!!!❤️❤️❤️
Huang Yaqiong just had her “dream come true”, winning a badminton mixed doubles gold medal🥇with her teammate Zheng Siwei
Then her boyfriend Liu Yuchen proposed! 🎉🎉🎉 pic.twitter.com/JxMIipF7ij
— Li Zexin (@XH_Lee23) August 2, 2024
