ദുരിതമനുഭവിക്കുന്നവർക്ക് കൈത്താങ്ങുമായി അദാനി ​ഗ്രൂപ്പ്; വയനാടിനെ വീണ്ടെടുക്കാൻ അഞ്ച് കോടി രൂപ സംഭാവന

വയനാടിനായി കൈത്താങ്ങായി അഞ്ച് കോടി രൂപ നൽകി അദാനി ​ഗ്രൂപ്പ്. പുനരധിവാസം ലക്ഷ്യമിട്ട് മുഖ്യമന്ത്രിയുടെ ദുരിതാശ്വാസ നിധിയിലേക്ക് തുക സംഭാവന ചെയ്തു.നേരത്തെ വയനാട് ഉരുൾപൊട്ടലിൽ ജീവൻ പൊലിഞ്ഞവർക്ക് ​ഗൗതം അദാനി അനുശോചനം രേഖപ്പെടുത്തിയിരുന്നു.

വിഴിഞ്ഞം തുറമുഖത്തിന്റെ സിഇഒ പ്രദീപ് ജയരാമൻ ചെക്ക് മുഖ്യമന്ത്രിക്ക് കൈമാറി. കോർപ്പറേറ്റ് കാര്യ മേധാവി അനിൽ ബാലകൃഷ്ണൻ, തുറമുഖ മന്ത്രി വിഎൻ വാസവൻ എന്നിവരുടെ സാന്നിധ്യത്തിലാണ് തുക കൈമാറിയത്.

We #StandWithWayanad🙌Supporting Those in Need!

Adani Group fulfills its promise to support the rehabilitation of Wayanad landslide victims. Our Chairman, Shri @gautam_adani, announced that a Rs 5 crore donation was handed over to Hon. Chief Minister of Kerala, Shri… pic.twitter.com/hDN2XOX2Xi

— Adani Ports and SEZ Ltd (@Adaniports) August 9, 2024

നിരവധി പേരാണ് മുഖ്യമന്ത്രിയുടെ ദുരിതാശ്വാസ നിധിയിലേക്കും അല്ലാതെയും വയനാട്ടിലേക്ക് സഹായമെത്തിക്കുന്നത്. മോഹൻലാലിന്റെ വിശ്വാശാന്തി ഫൗണ്ടേഷൻ വയനാടിനായി പുരവധിവാസ പാക്കേജ് പ്രഖ്യാപിച്ചിട്ടുണ്ട്. ആദ്യഘട്ടമായി മൂന്ന് കോടി രൂപയുടെ പദ്ധതികളാണ് നടപ്പിലാക്കുക. ഉരുൾ തുടച്ചുനീക്കിയ മുണ്ടക്കൈ എൽപിഎസിന്റെ പുനർനിർമാണവും അദ്ദേഹം ഉറപ്പുനൽകിയിട്ടുണ്ട്. അഖിൽ മാരാർ ദുരിതബാധിതർക്കായി വീടുകൾ വച്ച് നൽകുമെന്നും അറിയിച്ചിട്ടുണ്ട്. കലാ സാംസ്കാരിക രാഷ്‌ട്രീയ വ്യവസായ രംഗത്തുള്ള നിരവധി പേരാണ് വയനാടിന് സഹായവുമായി രംഗത്തെത്തിയിട്ടുള്ളത്.

ജൂലൈ 30-നാണ് ഇന്ത്യ കണ്ട ഏറ്റവും വലിയ ദുരന്തത്തിന് വയനാട് സാക്ഷ്യം വ​ഹിച്ചത്. ഏകദേശം 400-ലേറെ പേർ മരിച്ചു. നൂറിലേറെ പേരെ ഇനിയും കണ്ടെത്താനുണ്ട്. ജനകീയ തിരച്ചിലാണ് ഇന്നലെ മുതൽ ദുരന്തഭൂമിയിൽ നടക്കുന്നത്. ഉരുളെടുത്ത പ്രദേശങ്ങളിൽ പ്രധാനമന്ത്രി ഇന്ന് സന്ദർശനം നടത്തുന്നുണ്ട്.