ബോളിവുഡ് താരസുന്ദരികളിലൊരാളായ സോനം കപൂറിന്റെ വീഡിയോകൾ ഓരോന്നും ആരാധകർ വളരെ ആകാംക്ഷയോടെയാണ് ഏറ്റെടുക്കാറുള്ളത്. സോനം കപൂറിന്റെ മകൻ വായുവിന്റെ വിശേഷങ്ങളും സമൂഹമാദ്ധ്യമങ്ങളിൽ നിമിഷനേരം കൊണ്ട് വൈറലാവാറുണ്ട്.
വായുവിന്റെ രണ്ടാം പിറന്നാൾ ആഘോഷമാക്കിയിരിക്കുകയാണ് സോനം കപൂറും ഭർത്താവ് ആനന്ദ് അഹൂജയും. ഇതിനിടെ മകന്റെ ദൃശ്യങ്ങൾ താരം പങ്കുവച്ചതും ഏവരുടെയും ശ്രദ്ധയാകർഷിച്ചു. ” നിന്റെ അമ്മയാകാൻ സാധിച്ചതാണ് എനിക്ക് ലഭിച്ച ഏറ്റവും വലിയ സമ്മാനം” എന്ന അടിക്കുറിപ്പോടെയാണ് താരം വീഡിയോ പങ്കുവച്ചത്.
”ഇന്ന് എന്റെ മകൻ വായുവിന് രണ്ട് വയസായി. നിന്റെ അമ്മയായതാണ് എന്റെ ജീവിതത്തിൽ ലഭിച്ച ഏറ്റവും വലിയ സമ്മാനം. നിന്റെ ചിരി ഞങ്ങളുടെ ജീവിതത്തിൽ സ്ന്തോഷം നിറച്ചു. ഞങ്ങളുടെ ജീവിതത്തെ കൂടുതൽ മനോഹരമാക്കുകയും പ്രകാശം പരത്തുകയും ചെയ്തു. ഓരോ ബന്ധങ്ങളും ദൃഢപ്പെട്ടത് നിന്നിലൂടെയാണ്.
നിന്റെ ഡാഡയുടെയും എന്റെയും ബന്ധം നിന്നിലൂടെ കൂടുതൽ ആഴത്തിലായി. മുത്തശ്ശനും, മുത്തശ്ശിയും, ബാബ, മാസ, മാസി, അങ്കി ചാച്ചു അങ്ങനെ എല്ലാവരും നിന്നെ ഒരുപാട് സ്നേഹിക്കുന്നുണ്ട്. പരിശുദ്ധമായ സ്നേഹം തിരിച്ചു നൽകി നീ നമ്മുടെ കുടുംബത്തെ സമ്പൂർണമാക്കുന്നു. നിന്നെ പോലെയൊരു മകനെ ലഭിച്ചതിൽ നമ്മുടെ കുടുംബത്തിലെ എല്ലാവരും ഭാഗ്യം ചെയ്തവരും അനുഗ്രഹീതരുമാണ്.”- സോനം കപൂർ കുറിച്ചു.
View this post on Instagram
മകനാണ് ജീവിതത്തിലെ എല്ലാ സന്തോഷവുമെന്നും അവനെ വാക്കുകൾക്കതീതമായി സ്നേഹിക്കുന്നുണ്ടെന്നും താരം വ്യക്തമാക്കി. 2022ലാണ് സോനം കപൂറിനും ആനന്ദ് അഹൂജയ്ക്കും വായു ജനിക്കുന്നത്. കുഞ്ഞിന്റെ ജനനത്തോടെ ശരീരഭാരം വർദ്ധിച്ചതിനെ കുറിച്ചും പിന്നീട് 20 കിലോ ഭാരം കുറച്ചതിനെ സംബന്ധിച്ചും താരം പങ്കുവച്ച വീഡിയോയും സമൂഹമാദ്ധ്യമങ്ങൾ ഏറ്റെടുത്തിരുന്നു.
