കൊൽക്കത്ത: ഡോക്ടറെ ബലാത്സംഗം ചെയ്ത് കൊലപ്പെടുത്തിയ സംഭവത്തിൽ പ്രതിഷേധിച്ച തൃണമൂൽ കോൺഗ്രസ് മുൻ എംപിയും നടിയുമായ മിമി ചക്രബർത്തിക്കെതിരെ ബലാത്സംഗ ഭീഷണി. ഇതിന്റെ സന്ദേശങ്ങൾ നടി തന്നെ സോഷ്യൽ മീഡിയയിലൂടെ പുറത്തുവിട്ടു. കൊൽക്കത്ത പൊലീസിനെയും സൈബർ സെല്ലിനെയും ടാഗ് ചെയ്താണ് ചിത്രം പങ്കുവച്ചത്. 2019 മുതൽ 2024 വരെയുള്ള കാലയളവിൽ ജാദവ്പൂർ ലോക്സഭ മണ്ഡലത്തിലെ എം.പിയായിരുന്നു മിമി.
സ്ത്രീകളുടെ നീതിക്ക് വേണ്ടിയാണ് പ്രതിഷേധിക്കുന്നത്. എന്നാൽ മുഖംമൂടി ധരിച്ച ചില വിഷജന്തുക്കൾ സ്ത്രീകൾക്കാെപ്പമെന്ന് പറഞ്ഞിട്ട് ഞങ്ങൾക്കെതിരെ ബലാത്സംഗ ഭീഷണി മുഴക്കുകയാണ്. എവിടെ നിന്നും ലഭിച്ച വിദ്യാഭ്യാസത്തിലാണ് ഇത്തരം സന്ദേശങ്ങൾ പങ്കുവെക്കുന്നതെന്നും മിമി ചക്രബർത്തി ചോദിച്ചു.
ഡോക്ടർ ബലാത്സംഗത്തിനിരയായി കൊല്ലപ്പെട്ട സംഭവത്തെ തുടർന്നുള്ള പ്രതിഷേധങ്ങളിൽ മമി ചക്രബർത്തിയുമുണ്ടായിരുന്നു. ഇവർക്കൊപ്പം റിദ്ദി സെൻ, അരിന്ദം സിൽ, മധുമിത സർക്കാർ എന്നിവരും പ്രതിഷേധിച്ചിരുന്നു.
