അനുമതിയില്ലാതെ ‘ഭ്രമയുഗം’ ചിത്രത്തിലെ ഒരു ഘടകവും ഉപയോഗിക്കരുതെന്ന് നിർമാതാക്കൾ. സിനിമയുടെ സംഗീതം, സംഭാഷണം, കഥാപാത്രം, കഥാപാത്രങ്ങളുടെ പേരുകൾ തുടങ്ങി സകലതിനും കോപ്പിറൈറ്റ് വാങ്ങിയിട്ടുണ്ടെന്നും സിനിമയുടെ നിർമാതാക്കൾ സോഷ്യൽ മീഡിയയിൽ പങ്ക് വച്ച കുറിപ്പിൽ പറയുന്നു. അനധികൃതമായി ഇവ ഉപയോഗിച്ചാൽ നിയമനടപടി സ്വീകരിക്കുമെന്നും മുന്നറിയിപ്പുണ്ട്.
വാണിജ്യ ആവശ്യങ്ങൾ, ഗാനങ്ങളുടെ കവർ പതിപ്പുകൾ , നാടകങ്ങൾ, സ്കിറ്റുകൾ, സ്റ്റേജ് പ്രോഗ്രാമുകൾ, ബ്രാൻഡുകൾക്ക് വേണ്ടിയുള്ള പരിപാടികൾ, സ്വകാര്യ പരിപാടികൾ , തീം പാർട്ടികൾ, ആരാധകർ ഉണ്ടാക്കിയ പതിപ്പുകൾ എന്നിവയടക്കം ചെയ്യണമെങ്കിലും നിയമപരമായ അനുമതി തേടേണ്ടി വരും .ഇതിനായി [email protected] എന്ന മെയിൽ ബന്ധപ്പെടണമെന്നും കുറിപ്പിൽ പറയുന്നു.
