തിരുവനന്തപുരം : ഹേമ കമ്മിറ്റി റിപ്പോർട്ട് പുറത്ത് വന്നതിന് പിന്നാലെ ഉയരുന്ന ആരോപണങ്ങളിൽ ഇപ്പോൾ അന്വേഷണം വേണമെന്ന് എം മുകേഷ് എം എൽ എ. നടൻ സിദ്ദിഖ്, സംവിധായകൻ രഞ്ജിത്ത് എന്നിവരുടെ രാജിക്ക് പിന്നാലെ പ്രതികരിക്കുകയായിരുന്നു മുകേഷ്.
‘ സിനിമയിൽ മാത്രമല്ല, എല്ലാ മേഖലകളിലും അന്വേഷണം വേണം . എന്റെ കുടുംബത്തിലും കലാകാരികളുണ്ട് . വ്യക്തിപരമായി ഒന്നും പറയാനില്ല. ഒരു സ്ത്രീകൾക്കും പ്രശ്നമില്ലാത്ത തരത്തിൽ എല്ലാം പുറത്തുവരണം’-മുകേഷ് പറഞ്ഞു.
എല്ലാം അമ്മയുടെ ഭാരവാഹികൾ പറയും. ചൊവ്വാഴ്ച അമ്മ എക്സിക്യൂട്ടീവ് യോഗം ചേരുന്നുണ്ട്. ജഗദീഷും ഇക്കാര്യം പറഞ്ഞതാണ്. നിയമപരമായ അന്വേഷണം വേണം. സ്ത്രീകൾക്ക് പ്രശ്നങ്ങൾ ഉണ്ടാകരുത്. നിയമനടപടി വേണമെന്നും മുകേഷ് പറഞ്ഞു. സിദ്ദിഖിന്റെ രാജിയിൽ കൂടുതൽ പ്രതികരിക്കാനില്ലെന്നും മുകേഷ് പറഞ്ഞു.
