ടിബറ്റൻ പീഠഭൂമിയിൽ 1,700 വർഷം പഴക്കമുള്ള വൈറസുകളെ കണ്ടെത്തി ഗവ ഷേകർ. ഗുലിയ ഹിമാനിയിൽ നിന്നാണ് പുരാതന ഡിഎൻഎ കണ്ടെത്തിയത്. ഭൂമിയുടെ കാലാവസ്ഥ ചരിത്രത്തിലേക്ക് വെളിച്ചം വീശുന്നതാണ് പുതിയ പഠനം.
ഒഹായോ സ്റ്റേറ്റ് യൂണിവേഴ്സിറ്റിയിലെ ഗവേഷകരാണ് ഇവ കണ്ടെത്തിയത്. ഇവരുടെ പഠനം നേച്ചർ ജിയോസയൻസിലും പ്രസിദ്ധീകരിച്ചിട്ടുണ്ട്. 20,000 അടി ഉയരത്തിൽ സ്ഥിതി ചെയ്യുന്ന ഗുലിയ ഹിമാനിയുടെ മുക്കൽ ഭാഗത്തോളം ശാസ്ത്രലോകത്തിന് ഇന്നും അജ്ഞാതമായി തുടരുകയാണ്. എന്നാൽ ഇവിടെ മനുഷ്യന്റെയും ഭൂമിയുടെയും ചരിത്രമറിയാൻ സാധിക്കുന്ന നിരവധി ഘടകങ്ങളുടെ കലവറയാണെന്നാണ് പുത്തൻ കണ്ടെത്തൽ വെളിച്ചം വീശുന്നത്.
ഗവേഷകർ ഹിമാനിയിൽ നിന്ന് തുരന്നെടുത്ത ഐസ് കോറുകൾ വിശകലനം ചെയ്തു. 41,000 വർഷങ്ങളായി തണുപ്പ്-ചൂട് പരിവർത്തന സമയത്തുണ്ടായിരുന്ന സൂക്ഷ്മജീവികളുടെ ഡിഎൻഎ ശകലങ്ങൾ ശാസ്ത്രജ്ഞർ പുനർനിർമ്മിച്ചു. അന്നുണ്ടായിരുന്ന ജീവി വർഗവുമായി സൂക്ഷ്മ ജിവികൾക്ക് പൊരുത്തപ്പെട്ടിരുന്നുവെന്നും പഠനത്തിൽ പറയുന്നു.
11,500 വർഷങ്ങൾക്ക് മുൻപുള്ള വൈറസസുകളാണ് ഇതിൽ പ്രധാനം. അവസാന ഹിമഘട്ടത്തിൽ നിന്ന് ചൂടേറിയ കാലഘട്ടത്തിലേക്ക് പരിവർത്തനം ചെയ്ത കാലത്തും ഈ വൈറസ് സമൂഹം കാലാവസ്ഥ വ്യതിയാനവുമായി പൊരുത്തപ്പെട്ടു. ആഗോളതാപനം രൂക്ഷമാകുന്നതോടെ ഈ ഹിമാനികൾ ഉരുകുകയാണ്. ഇവയിൽ ലക്ഷക്കണക്കിന് സൂക്ഷ്മാണുക്കളാണുള്ളത്. അവയുടെ ഡിഎൻഎ ശകലങ്ങൾ ശേഖരിക്കാനുള്ള തയ്യാറെടുപ്പിലാണ് ശാസ്ത്രലോകം. കാലാവസ്ഥ വ്യതിയാനത്തെ കുറിച്ചും ഭൂമിയിലെ ജീവനെ കുറിച്ചും കൂടുതൽ ഉൾക്കാഴ്ച നൽകാൻ ഇവയ്ക്ക് സാധിക്കുമെന്നാണ് പഠനം പറയുന്നത്.
