കണ്ണൂർ: പ്രമുഖ സിനിമ-സീരിയൽ നടൻ വി.പി രാമചന്ദ്രൻ അന്തരിച്ചു. പയ്യന്നൂർ മഹാദേവ ഗ്രാമത്തിലെ വീട്ടിൽ വച്ചായിരുന്നു വിയോഗം. 81-ാം വയസായിരുന്നു. നാളെ രാവിലെ പയ്യന്നൂരിൽ സംസ്കാരചടങ്ങുകൾ നടക്കും.
19 സിനിമകളിലും നിരവധി സീരിയലുകളിലും അദ്ദേഹം അഭിനയിച്ചിട്ടുണ്ട്. നാടകങ്ങളിലും അദ്ദേഹം അഭിനയിച്ചിട്ടുണ്ട്. ഡബ്ബിംഗ് ആർട്ടിസ്റ്റായും അദ്ദേഹം തിളങ്ങി. സംഗീതനാടക അക്കാദമി പുരസ്കാര ജേതാവായിരുന്നു.
വ്യോമസേനയിൽ സേവനമനുഷ്ഠിച്ചിരുന്ന അദ്ദേഹം വിരമിച്ച ശേഷം അമേരിക്കൻ കോൺസുലേറ്റിൽ ഏറെകാലം ജീവനക്കാരനായി പ്രവർത്തിച്ചിട്ടുണ്ട്. സമീപകാലം വരെ സീരിയലുകളിൽ സജീവമായിരുന്നു അദ്ദേഹം. അപ്പു, സദയം, അതിജീവനം, യുവതുർക്കി, അയ്യർ ദി ഗ്രേറ്റ് എന്നീ സിനിമകളിൽ ശ്രദ്ധേയമായ വേഷം കൈകാര്യം ചെയ്തിട്ടുണ്ട്.
