ശ്രദ്ധിക്കുക: പൊതുഫലങ്ങൾ നിശ്ചിതകാലയളവിലെ പൊതുഗ്രഹസ്ഥിതിയെ അടിസ്ഥാനമാക്കിയുള്ള നിരീക്ഷണങ്ങളാണ്. എന്നാൽ, ഓരോരുത്തരുടെയും ജനനസമയത്തെ ഗ്രഹസ്ഥിതി, ഗ്രഹചാരം, യോഗങ്ങൾ, നിലവിലെ ദശാ-അന്തർ അപഹാരങ്ങൾ, ഗ്രഹപ്പിഴകൾ, കർമ്മഫലങ്ങൾ തുടങ്ങി അടുത്ത രക്തബന്ധുകളുടെ യോഗങ്ങൾ വരെയുള്ള മറ്റനേകം ഘടകങ്ങളെ ആശ്രയിച്ചായിരിക്കും അനുഭവം. അതിനാൽ പൊതുഫലങ്ങളെ ഒരു സൂചനയായി ഉപയോഗിച്ച്, ജാതക വിശകലനം നടത്തി ദശാനാഥനെ പ്രീതിപ്പെടുത്താനുള്ള വഴികൾ തേടുകയും ദോഷപരിഹാരങ്ങൾ ചെയ്യുകയും ചെയ്താൽ, അനുകുല അവസ്ഥയുടെ ഗുണഫലങ്ങൾ പരമാവധി അനുഭവിക്കാനും പ്രതികൂല സമയങ്ങളെ സുഗമമായി തരണം ചെയ്യാനും സാധിക്കും.
ധനു രാശി: (മൂലം, പൂരാടം, ഉത്രാടം ആദ്യ 1/4 ഭാഗം)
വാരത്തിന്റെ തുടക്കത്തിൽ കുടുംബ ബന്ധുജനങ്ങളിൽ നിന്നും അപ്രതീക്ഷിതമായ സഹായസഹകരണങ്ങൾ ലഭിക്കും. ആത്മാർത്ഥമായ സേവനത്തിൽ തൊഴിൽ ഇടങ്ങളിൽ സഹപ്രവർത്തകരുടെയും മേലധികാരിയുടെയും പ്രീതി നേടിയെടുക്കുവാൻ സാധിക്കും. ഏറ്റവും വേണ്ടപ്പെട്ട വ്യക്തികൾക്കോ ബന്ധുക്കൾക്കോ സ്വന്തം ചെലവിൽ വിവാഹം നടത്തി കൊടുക്കുവാൻ തീരുമാനം എടുക്കും.
പ്രധാനപ്പെട്ട പുണ്യ തീർത്ഥ സ്ഥലങ്ങളോ ഉല്ലാസ യാത്രകളോ ബന്ധുക്കളുടെയും സുഹൃത്തുക്കളുടെയും ഒപ്പം നടത്തുവാൻ അവസരം ലഭിക്കും. വാരംമധ്യത്തോട് കൂടി സ്ത്രീകൾ മൂലം അപവാദം കേൾകുവാനോ പ്രധാനപ്പെട്ട രേഖകൾ മോഷണം പോകുവാനോ സാധ്യത ഉണ്ട്. ശ്വാസകോശ സംബന്ധമായോ അലർജി സംബന്ധമായോ പ്രശ്നങ്ങൾ ഉണ്ടാവാൻ സാധ്യത ഉണ്ട്.
വാരം അവസാനത്തോട് കൂടി രോഗശാന്തി ലഭിക്കുമെങ്കിലും മനഃസ്വസ്ഥത കുറവ് അനുഭവപ്പെടുകയും കൂടെയുള്ള സഹപ്രവർത്തകരുമായി അനാവശ്യമായ വാക്ക് തർക്കങ്ങളിൽ പെടാനും സാധ്യത ഉണ്ട്. എന്നിരുന്നാലും പുതിയ ചില പ്രൊജെക്ടുകളിൽ നിറ സാന്നിധ്യം ഉണ്ടാവുകയും സുദീർഘമായ ചർച്ചയിലൂടെ സങ്കീർണമായ പ്രശ്നങ്ങൾക്കു പരിഹാരം കണ്ടെത്തുവാൻ സാധിക്കുകയും ചെയ്യും.
ധനുക്കൂറിലുള്ള മൂലം, പൂരാടം, ഉത്രാടം നക്ഷത്രക്കാർ യഥാക്രമം വെള്ളിയാഴ്ച, ശനിയാഴ്ച, തിങ്കളാഴ്ച ദിവസം ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
മകരം രാശി: (ഉത്രാടം അവസാന 3/4 ഭാഗം, തിരുവോണം, ആദ്യ അവിട്ടം 1/2 ഭാഗം)
ആത്മവിശ്വാസത്തോടു കൂടി പരീക്ഷ എഴുതുകയും അതിൽ വിജയിക്കുകയും ചെയ്യും. ജോലിക്കു വേണ്ടി പരിശ്രമിക്കുന്നവർക്കു അർഹതപ്പെട്ട തൊഴിൽ അവസരങ്ങൾ ലഭിക്കും. ദീർഘ വീക്ഷണത്തോട് കൂടി പുതിയ കർമ്മ പദ്ധതികൾ ആവിഷ്ക്കരിക്കുകയും അതിൽ വിജയം സുനിശ്ചിതമാകുകയും ചെയ്യും.
ബന്ധു ജനസമാഗമം, കുടുംബത്തിൽ മംഗളകരമായ കാര്യങ്ങൾ സംഭവിക്കുകയും ചെയ്യും. ബിസിനെസ്സിൽ ഇരിക്കുന്നവർക്ക് പുതിയ കരാറുകൾ ലഭിക്കുകയും അതിൽ വിജയിക്കുകയും ചെയ്യും. കല രാഷ്ട്രീയ മേഖലകളിൽ പ്രവർത്തിക്കുന്നവർക്ക് പുതിയ അവസരങ്ങൾ ലഭിക്കുകയും അതുവഴി പേരും പ്രശസ്തിയും ലഭിക്കുകയും ചെയ്യും. വിദ്യാർത്ഥികൾ മത്സര പരീക്ഷകളിൽ വിജയിക്കുകയും പാരിതോഷികങ്ങൾ ലഭിക്കുകയും ചെയ്യും. വിശേഷപ്പെട്ട പുണ്യ തീർത്ഥ സ്ഥലങ്ങൾ സന്ദർശിക്കുവാൻ അവസരം ലഭിക്കും.
വാരം മധ്യത്തിൽ അനാവശ്യമായ സ്ത്രീ വിഷയങ്ങളിൽ പേരുദോഷം കേൾക്കുവാൻ ഇടവരികയും ധന നഷ്ടം ഉണ്ടാവുകയും ചെയ്യും. വരവിനേക്കാൾ ചെലവ് അനുഭവപ്പെടുകയും അനാവശ്യമായ ചെലവുകൾ മൂലം സാമ്പത്തിക മാന്ദ്യം അനുഭവപ്പെടുകയും ചെയ്യും. എന്നാൽ വാരം അവസാനത്തോട് കൂടി മനഃസന്തോഷം, ദാമ്പത്യ ഐക്യം, ധനനേട്ടം, ഭക്ഷണ സുഖം എന്നിവ ഉണ്ടാകും.
മകരകൂറിലുള്ള ഉത്രാടം നക്ഷത്രക്കാർ തിങ്കളാഴ്ച ദിവസം ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
സെപ്റ്റംബർ 15, സെപ്റ്റംബർ 16 ദിനങ്ങൾ യഥാക്രമം തിരുവോണം, അവിട്ടം നക്ഷത്രക്കാരുടെ പക്കപ്പിറന്നാൾ ആയതിനാൽ, ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
കുംഭം രാശി: (അവിട്ടം അവസാന 1/2 ഭാഗം, ചതയം, പൂരൂരുട്ടാതി ആദ്യ 3/4 ഭാഗം)
വാരത്തിന്റെ തുടക്കത്തിൽ അനാവശ്യമായ കാര്യങ്ങളിൽ ഇടപെട്ട് കേസുവഴക്കുകൾ ഉണ്ടാവാൻ സാധ്യത ഉണ്ട്. അപരിചിതരുമായുള്ള ഇടപെടലുകൾക്ക് അന്ത്യം കുറിച്ചിലെങ്കിൽ ചതിയിൽപെടുവാൻ ഇടവരും. ഉദര – ഹൃദ്രോഗ അസുഖങ്ങൾ മൂർച്ഛിക്കുകയും ശസ്ത്രക്രിയ അനിവാര്യമായി വരികയും ചെയ്യും.
ഏറ്റവും വേണ്ടപ്പെട്ട ബന്ധുക്കളുകൾക്കോ സുഹൃത്തുക്കൾക്കോ ജാമ്യം നിന്ന ഇടപാടുകളിൽ പരസ്പരം തെറ്റി പിരിയുവാനോ പോലീസ്കേസുകൾ ഉണ്ടാകുവാനോ സാധ്യത ഉണ്ട്. വാരം മധ്യത്തോട് കൂടി സർക്കാർ ജോലിക്ക് പരിശ്രമിയ്ക്കുന്നവർക്ക് അർഹമായ ജോലി ലഭിക്കുവാൻ സാധ്യത ഉണ്ട്. വിദഗ്ധ ഉപദേശം തേടി ചെയ്യുന്ന പ്രവർത്തനങ്ങൾ ലക്ഷ്യ പ്രാപ്തി കൈവരിക്കും. വിശേഷപ്പെട്ട പുണ്യ തീർത്ഥ സ്ഥലങ്ങളിലെ ഉത്സവ ആഘോഷങ്ങളിൽ ബന്ധുജനങ്ങൾക്കൊപ്പം പങ്കെടുക്കുവാൻ അവസരം ലഭിക്കും.
ചിരകാല അഭിലാഷമായ വിദേശയാത്ര സഫലമാകും. പ്രതിസന്ധികളിൽ തളരാതെ പ്രവർത്തിക്കുവാനുള്ള ആത്മവിശ്വാസം ലഭിക്കുകയും സർവരുടെയും പ്രശംസ ലഭിക്കുകയും ചെയ്യും. സാമ്പത്തീക പ്രതിസന്ധികൾ തരണം ചെയ്യുവാൻ സാധിക്കും. അപ്രതീഷിതമായ ധനലാഭം പ്രതീക്ഷിക്കാം. വാരം അവസാനത്തിൽ ജീവിതത്തിലെ ഏറ്റവും വേണ്ടപ്പെട്ട ബന്ധങ്ങളോ രേഖകളോ നഷ്ടപ്പെടുവാൻ സാധ്യതയുണ്ട്.
സെപ്റ്റംബർ 16, സെപ്റ്റംബർ 17, സെപ്റ്റംബർ 18 ദിനങ്ങൾ യഥാക്രമം അവിട്ടം, ചതയം, പൂരുരുട്ടാതി നക്ഷത്രക്കാരുടെ പക്കപ്പിറന്നാൾ ആയതിനാൽ, ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
മീനം രാശി: (പൂരൂരുട്ടാതി അവസാന 1/4 ഭാഗം, ഉതൃട്ടാതി, രേവതി)
ഈ വാരം ഗുണദോഷ സമ്മിശ്രമായിരിക്കും.വാരം തുടക്കത്തിൽ ശരീരശോഷണം, ആരോഗ്യക്കുറവ് എന്നിവ അനുഭവപ്പെടും. ഉദര സംബന്ധമായി പ്രശ്നങ്ങൾ ഉള്ളവർ ഭക്ഷണ കാര്യങ്ങളിൽ ശ്രദ്ധിച്ചില്ലെങ്കിൽ ഭക്ഷ്യ വിഷബാധ ഏൽക്കുവാൻ ഇടയാകുകയും ആശുപത്രിവാസത്തിനും യോഗമുണ്ട്.
ഏതെങ്കിലും രേഖകളിൽ ഒപ്പിടുമ്പോൾ വളരെ അധികം ജാഗ്രത പാലിച്ചില്ലെങ്കിൽ ചതി ഉണ്ടാവാൻ സാധ്യത ഉണ്ട്. പഴയ ചില കേസുകൾ വീണ്ടും സജീവമാകാനും പോലീസ് പുനർ അന്വേഷണം ഉണ്ടാവാനും ഇടയുണ്ട്. സാമ്പത്തീക ക്രയ വിക്രയങ്ങളിൽ ജാഗ്രത പാലിക്കുക.
മറ്റുള്ളവർക്ക് പരോപകാരം ചെയ്യുമെങ്കിലും തിരിച്ചു നന്ദി ഇല്ലാത്ത അവസ്ഥ ഉണ്ടാവും. വാരം മധ്യത്തോടു കൂടി ശത്രുഹാനി, രോഗശാന്തി, ധനനേട്ടം എന്നിവ ഉണ്ടാകും. തൊഴിൽ ഇടങ്ങളിൽ സ്ഥാനക്കയറ്റം ഉണ്ടാവുകയും സാമ്പത്തീക സ്ഥിതി മെച്ചപ്പെടുകയും ചെയ്യും. ബിസിനസ്സിൽ തടസ്സങ്ങൾ മാറുകയും പുതിയ ഉണർവ്വ് അനുഭവപ്പെടുകയും ചെയ്യും. സർവ്വർക്കും സ്വീകാര്യമായ പ്രവർത്തനങ്ങൾ കാഴ്ചവെയ്ക്കുകയും അതിൽ വിജയിക്കുകയും ചെയ്യും.
വിശേഷപ്പെട്ട പുണ്യ തീർത്ഥ സഥലങ്ങൾ സന്ദർശിക്കുവാൻ അവസരം ലഭിക്കും. വിദ്യാർത്ഥികൾക്ക് ഉപരിപഠന സംബന്ധമായി വിദേശ യാത്രയ്ക്കുള്ള അനുമതി ലഭിക്കും. വളരെക്കാലമായി കാണാതിരുന്ന ബന്ധുജനങ്ങളെയോ സുഹൃത്തുക്കളെയോ കണ്ടുമുട്ടുവാനും അവരോടൊപ്പം ആഘോഷവേളകളിൽ പങ്കെടുക്കുവാനും അവസരം ലഭിക്കും.
പ്രത്യേകിച്ചും സെപ്റ്റംബർ 18, സെപ്റ്റംബർ 19, സെപ്റ്റംബർ 19 ദിനങ്ങൾ യഥാക്രമം പൂരുരുട്ടാതി, ഉത്രട്ടാതി, രേവതി നക്ഷത്രക്കാരുടെ പക്കപ്പിറന്നാൽ ആയതിനാൽ, ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
Weekly Prediction by Jayarani E.V
