കണ്ണൂർ : ഷിരൂർ മണ്ണിടിച്ചിലിൽ മരിച്ച അർജുന്റെ കുടുംബത്തിന് നേരെയുണ്ടായ സൈബറാക്രമണത്തിനു പിന്നിൽ തീവ്ര ഇസ്‌ലാമിസ്റ്റുകൾ എന്ന് സൂചന. ലോറി ഉടമയെന്ന്‌ നടിച്ച മനാഫിനെതിരെ ആരോപണങ്ങൾ ഉന്നയിച്ചതിന് പിന്നാലെയാണ് അർജുന്റെ കുടുംബത്തിനെതിരെ സോഷ്യൽ മീഡിയയിൽ സൈബർ ആക്രമണം തുടങ്ങിയത്. അർജുന്റെ ഭാര്യയെയും സൈബർ ഗുണ്ടകൾ വെറുതെ വിട്ടില്ല.
മനാഫ് നടത്തിയ ചില പരാമർശങ്ങളുടെ പേരിലും സൈബർ ആക്രമണം നേരിടുന്നതായി അർജുന്റെ കുടുംബം ഇന്നലെ പറഞ്ഞിരുന്നു.‘ലോറിയും അതിലുണ്ടായിരുന്ന തടിയും മുബീന്റേതാണ്. അർജുനെ കാണാതായതു മുതൽ ഞങ്ങളുടെ കുടുംബാംഗങ്ങളും മുബീനുമാണ് ഷിരൂരിൽ ഉണ്ടായിരുന്നത്. പത്തൊൻപതാം തീയതിയാണ് മനാഫ് അവിടെയെത്തിയത്. ലോറിയുടെ ഉടമ മനാഫ് ആണെന്ന് പ്രചരിച്ചത് എങ്ങനെയാണെന്ന് അറിയില്ല. ‘ എന്നാണ് ഇന്നലെ അർജുന്റെ കുടുംബം വ്യക്തമാക്കിയത് . മാത്രമല്ല ഇത് തുടർന്നാൽ നിയമനടപടികൾ സ്വീകരിക്കുമെന്നും അവർ പറഞ്ഞിരുന്നു
നിരവധിപ്പേർ സഹായങ്ങളുമായി മനാഫിനെ സമീപിച്ചു. മനാഫ് പണം വാങ്ങാൻ തുടങ്ങിയത് വലിയ വേദനയുണ്ടാക്കി. അർജുന്റെ കുടുംബത്തെ ഒന്നിനും കൊള്ളില്ല എന്ന തോന്നലുണ്ടാക്കി എന്നും അവർ പറഞ്ഞിരുന്നു. അർജുന്റെ പേരിൽ പണപ്പിരിവ് നടത്തി എന്നതടക്കമുള്ള ആരോപണങ്ങൾ മനാഫ് നിഷേധിച്ചിരുന്നു.
ഇതിന് പിന്നാലെയാണ് അർജുന്റെ കുടുംബത്തിനെതിരെ സൈബർ ആക്രമണം ഉണ്ടായത്. തീവ്ര ഇസ്‌ലാമിസ്റ്റുകളുടെ ശൈലിയിൽ മതവും , രാഷ്‌ട്രീയവും കലർത്തി ചിലർ തുടങ്ങി വെച്ച സൈബർ ആക്രമണം അതേ സ്വഭാവമുളള മറ്റുള്ളവരും ഏറ്റെടുക്കുകയായിരുന്നു. മനാഫിന്റെ അവകാശവാദങ്ങൾക്കെതിരെ പത്ര സമ്മേളനം നടത്തിയ സഹോദരി അഞ്ജുവിന്റെ ഭർത്താവ് ജിതിനെ ലക്ഷ്യമിട്ടായിരുന്നു സൈബർ ഗുണ്ടകളുടെ അഴിഞ്ഞാട്ടം. ഒരേ സ്വഭാവമുള്ള പ്രൊഫൈലുകൾ സമാനമായ കമെന്റുകൾ ഇവർക്കെതിരെ എഴുതി. കൂടാതെ മനാഫിനു പിന്തുണ നല്കാൻ അയാളുടെ യു ട്യൂബ് ചാനൽ സബ്സ്ക്രൈബ് ചെയ്യാനുള്ള പ്രചാരണവും നടന്നു. ഏതോ കേന്ദ്രത്തിലിരുന്നു നിയന്ത്രിക്കുന്നതുപോലെ ഒരേ പാറ്റേണിലായിരുന്നു സൈബർ ആക്രമണം. ഏകദേശം ഒരു ദിവസം പിന്നിട്ടിട്ടും സൈബർ ആക്രമണം തുടരുകയാണ്.
എന്നാൽ സൈബർ ആക്രമണം തുടർന്നാലും പറഞ്ഞ കാര്യങ്ങളിൽ ഉറച്ചുനിൽക്കുകയാണ് അർജുന്റെ കുടുംബം.
