അയോദ്ധ്യ രാമക്ഷേത്രത്തിൽ ദർശനം നടത്തി ഇന്ത്യയിലെ ഇസ്രായേൽ അംബാസഡർ റൂവൻ അസർ. ഭാര്യയോടൊപ്പമാണ് അദ്ദേഹം ക്ഷേത്രത്തിലെത്തിയത്. തീർഥാടകരുടെ ഭക്തി കണ്ട് വികാരഭരിതനായാണ് അദ്ദേഹം മാദ്ധ്യമങ്ങളോട് സംസാരിച്ചത്.
‘ ശ്രീരാമന്റെ അയോദ്ധ്യയിലെ അതിമനോഹരമായ ക്ഷേത്രം സന്ദർശിക്കാൻ കഴിഞ്ഞതിൽ ഞാൻ അഭിമാനിക്കുന്നു. ഇവിടെയെത്തുന്ന തീർത്ഥാടകരുടെയും ആരാധകരുടെയും എണ്ണം എന്നെ അത്ഭുതപ്പെടുത്തുന്നു. ഈ ഭക്തി എന്നെ വളരെയേറെ സ്വാധീനിച്ചു.
ഇസ്രായേലിലെയും , ഇന്ത്യയിലെയും ജനങ്ങൾ പുരാതന മനുഷ്യരാണ് . അവർക്ക് പുരാതന മതവും പാരമ്പര്യവും പൈതൃകവും ഉണ്ട്. ഞങ്ങളുടെ പൈതൃകത്തിൽ ഞങ്ങൾ അഭിമാനിക്കുന്നതുപോലെ, നിങ്ങളുടെ പൈതൃകത്തിൽ നിങ്ങൾ അഭിമാനിക്കുന്നു, ഇത് വളരെ പ്രധാനപ്പെട്ട കാര്യമാണ്, കാരണം ഇത് ഭക്തി നൽകുന്നു. അതാണ് നിങ്ങളുടെ ശക്തി.
ഈ സ്ഥലം വളരെ വളരെ പ്രധാനമാണ്, കാരണം അത് ഒരു ഭാവനയല്ല. മുൻകാലങ്ങളിൽ ഇവിടെ കാര്യങ്ങൾ സംഭവിച്ചിട്ടുണ്ട്, ആളുകൾ ദിവസം തോറും, വർഷം തോറും അനുസ്മരിക്കുന്നു, അവർ ഓരോ ദിവസവും മൂല്യങ്ങൾ ഓർമ്മിക്കുന്നു. ഒപ്പം അംബാസഡർ എന്ന നിലയിലും ഇസ്രായേലിനെ സംബന്ധിച്ചിടത്തോളം, ആളുകളെ മനസ്സിലാക്കേണ്ടത് എനിക്ക് പ്രധാനമാണ്, അതുകൊണ്ടാണ് ഞാൻ എന്റെ ഭാര്യയോടൊപ്പം ഇവിടെ വന്നത്, ഞങ്ങൾ ഇന്ത്യയുടെ സംസ്കാരത്തെ ആഴത്തിൽ അറിയുന്നു.‘ അദ്ദേഹം പറഞ്ഞു . മുഖ്യമന്ത്രി യോഗി ആദിത്യനാഥുമായും അദ്ദേഹം ചർച്ച നടത്തി.
