പിഎം ഇൻ്റേൺഷിപ്പ് പദ്ധതിയെ യുവാക്കൾ വൻ ആവേശത്തോടെയാണ് സ്വീകരിക്കുന്നത്. കേരളത്തിൽ 2,959 അവസരങ്ങളാണ് ലിസ്റ്റ് ചെയ്തത്. നവംബർ ആദ്യവാരം വരെ അപേക്ഷ സമർപ്പിക്കാവുന്നതാണ്. ഒരാൾക്ക് അഞ്ച് അവസരങ്ങൾ വരെ ഓപ്ഷനായി നൽകാം.
കേരളത്തിൽ എറണാകുളത്താണ് കൂടുതൽ അവസരമുള്ളത്, 1,167. പിന്നാലെ തിരുവനന്തപുരം (501), മലപ്പുറം (266), കോഴിക്കോട് (210), കോട്ടയം (184), തൃശൂർ (172), കൊല്ലം (116), ആലപ്പുഴ (106), പാലക്കാട് (64), കാസർകോട് (63), കണ്ണൂർ (60), വയനാട് (20), പത്തനംതിട്ട (16), ഇടുക്കി (14) എന്നിങ്ങനെയാണ് അവസരങ്ങൾ.
രാജ്യത്ത് കൂടുതൽ അവസരങ്ങൾ മഹാരാഷ്ട്രയിലാണ്, 14,694 അവസരങ്ങൾ. തമിഴ്നാട് (13,262), ഗുജറാത്ത് (12,246), കർണാടക (8,944), ഉത്തർപ്രദേശ് (8,506) എന്നീ സംസ്ഥാനങ്ങളാണ് തൊട്ടുപിന്നിൽ. ഓയിൽ, ഗ്യാസ് ആൻഡ് എനർജി, ഓട്ടോമോട്ടീവ്, ട്രാവൽ ആൻഡ് ഹോസ്പിറ്റാലിറ്റി, ബാങ്കിംഗ് ആൻഡ് ഫിനാൻഷ്യൽ സർവീസസ്, മെറ്റൽസ് ആൻഡ് മെനിംഗ് എന്നീ മോഖലകളിലാണ് കൂടുതൽ അവസരങ്ങൾ വാഗ്ദാനം ചെയ്യുന്നത്.
രാജ്യത്തെ 500 കമ്പനികളിൽ സർക്കാരിന്റെ സാമ്പത്തിക സഹായത്തോടെ ഇൻ്റേൺഷിപ്പ് ചെയ്യാൻ അവസരം നൽകുന്നതാണ് പദ്ധതി. 5,000 രൂപ പ്രതിമാസ സ്റ്റെപെൻഡും ഇൻഷുറൻസും ലഭ്യമാക്കും. കൂടുതൽ വിവരങ്ങൾക്ക് pminternship.mca.gov.in സന്ദർശിക്കുക.
