മുംബൈ: സൈക്കിളിൽ യാത്ര ചെയ്യുന്നതിനിടെ ഗേറ്റിൽ ചെന്നിടിച്ച് വിദ്യാർത്ഥിക്ക് ദാരുണാന്ത്യം. സൈക്കിൾ ഓടിച്ചിരുന്ന 16-കാരൻ നീരജ് യാദവാണ് ഗുരുതരമായി പരിക്കേറ്റ് മരണത്തിന് കീഴടങ്ങിയത്.
ബൈസിക്കിൾ സ്റ്റണ്ട് നടത്തുന്നതിനിടെ മുംബൈ മിരാ-ഭയാന്ദർ കോട്ടയ്ക്ക് സമീപമുള്ള ചരിവിൽ വച്ച് സൈക്കിൾ നിയന്ത്രണം വിടുകയായിരുന്നു. ഇറക്കത്തിൽ വച്ച് നിയന്ത്രണം വിട്ട സൈക്കിൾ നേരെ അടുത്തുള്ള വീടിന്റെ ഗേറ്റിൽ ചെന്നിടിച്ചു. ഇതിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.
On 28th October, A 16-year-old teenager tragically died due to a bicycle accident. He was visiting Ghodbunder Fort, and while descending, he misjudged the slope. His head struck the wall of a nearby house, and he died on the spot.#MiraRoad #MiraBhayandar pic.twitter.com/2cMKl5u3HN
— Gems of Mira Bhayandar (@GemsOfMBMC) November 1, 2024
കഴിഞ്ഞ തിങ്കളാഴ്ചയായിരുന്നു സംഭവം നടന്നത്. സൈക്കിളിടിച്ച് വീണ നീരജിന് രക്തം ഒരുപാട് നഷ്ടപ്പെട്ടിരുന്നു. ആളുകൾ ഓടിയെത്തി നീരജിനെ വാരിയെടുത്ത് അടുത്തുള്ള ബാബാ സാഹേബ് അംബേദ്കർ ആശുപത്രിയിലെത്തിച്ചെങ്കിലും മരിച്ചു. സംഭവത്തിൽ അപകടമരണത്തിന് പൊലീസ് കേസെടുത്തിട്ടുണ്ട്.
